Sátjan Qıqymov Qapshaǵaı qalasynyń turǵynynan «sen» dep sóılegen bolatyn. Qazaqy jalpaq tilde muny dikińdep sóıledi dep esepteıtini belgili. Biraq, ákim dikińdemedim deıdi. Sátjan Qıqymovtyń aıtýynsha «tabıǵı daýsy osy, halyq durys túsinbegen». «Al qabyldaýda bolǵan Anton Fedorovtyń dálelsiz kinálaı sóılegeni de durys bolmady. Sondyqtan kópshilik bul iste birjaqtylyq tanytpasa», – deıdi.
– Bizdi sógip, jamandady. Vzátochnıkter, satylǵan, bárin satady, bárin qyrady. Endi men jas bala bolǵannan keıin «ty» degenim ras. «Ty otvechaesh za svoı slova» dedim. Sol «ty» degenime men keshirim suraımyn. Voobshe men qatty sóıleıtin adammyn. Soveshanıe ótkizgen kezde de qatty sóıleımin, – dedi Qapshaǵaı qalasynyń ákimi Sátjan Qıqymov.
Keıbir saıttarǵa ákim tipti áıelinen eskertý de alǵanyn aıtypty. Al, shyn máninde oqıǵa bylaı bolǵan. Anton Fedorov Qapshaǵaıdyń búkil máselesin jipke tizip aıtyp shyqqan. Sózin eshkim bólmegen. Biraq, oǵan ákim jaýap bergen sátte «sen» dep sóılegen. Bar bolǵany osy. Keıbireý ákimniń daýys kóterip sóıleýi durys emes dese, keıbiri ony ádeıi ashýlandyrǵanyn aıtýda. Al oblystyq ádep keńesi beınejazbany qarap, tolyqqandy zerttep, qajet bolsa Qapshaǵaı qalasynyń ákimi Sátjan Qıqymovtyń áreketine shara qoldanatynyn málimdedi.
