Bul másele 2023-2024 jyly oqý jylyna tehnikalyq jáne kásiptik, orta bilimnen keiingi bilimi bar kadrlardy daiarlaýǵa arnalǵan memlekettik bilim berý tapsyrysyn qalyptastyrý jáne bólý jónindegi komissiia otyrysynda talqylandy. Jiynǵa tóraǵalyq etken Túrkistan oblysy ákiminiń orynbasary Beisen Tájibaev oqýshylardy, jastardy memlekettik grantpen qamtý baǵytyndaǵy jumysty jandandyrýdy tapsyrdy.
– Byltyr Túrkistan oblysy úshin arnaýly oqý oryndaryna 17 myń grant bólingen. Biraq onyń birazy igerilmei, keri qaitarylǵan. Onyń túrli sebepteri bar. Biraq biyl mundai olqylyq qaitalanbaýy tiis.
Osyǵan sáikes óńirimizge 15300 grant usynylyp otyr. Onyń 650-den astamy oblystyq biýdjetten meditsinalyq mamandardy daiarlaýǵa baǵyttalǵan.
Kolledjde grantqa túsken stýdentterge arnaýly bilim, 30 myń teńge stipendiia beriledi. Osy múmkindikti jastarymyz paidalansyn. Óńirde 52 kolledj bar. Memlekettik tapsyrysty bilim standardtaryna ári tehnkalyq talaptary sai oqý oryndary ǵana alady.
Túrkistan oblysynda biylǵy oqý jyly 30 myńǵa jýyq oqýshy mektepti bitirse, 42 myń oqýshy 9-synypty támamdaidy. Demografiialyq ósim, oqýshylar sany, jumyssyz jáne mamandyq almaǵan NEET sanatyndaǵy jastar sany boiynsha da aldyńǵy qatardamyz.
Sondyqtan olardy bilim berip, mamandyqpen qamatasyz etpesek bolmaidy. Jastardy qoldaý kerek. Árbir mektepte osy baǵytta túsindirý, aqparattandyrý jumystaryn kúsheitýdi tapsyramyn. Bul rette jaýapty basqarma, kolledjder, Jastar resýrstyq ortalyqtary birlese jumys atqarýlary tiis. Granttar oblystyń damýyna qajetti ári eńbek naryǵynda suranysqa sai jumys orny bar mamandyqtarǵa ǵana bólingeni jón, – degen Beisen Dáýletuly jaýaptylarǵa tapsyrmalar berdi.
Jiynda oblystyq bilim basqarmasy basshysynyń orynbasary Nurjan Nurlybaev tehnikalyq jáne kásiptik, orta bilimnen keiingi bilimi bar kadrlardy daiarlaýǵa arnalǵan memlekettik tapsyrystar men granttardy bólý jóninde baiandama jasady.
Onyń aitýynsha, birneshe basqarmadan usynystar jinaqtalyp, 87 mamandyq boiynsha qajettilik anyqtalǵan. Granttardy bólýde osy usynystar da negizge alynbaq. Komissiia músheleri mektepti 3-4 jyl buryn bitirse de, bilim almaǵan jastardy da oqýmen qamtý máselesin kóterdi. Búginde bul sanattaǵy jastardyń da sany, tizimi jasaqtalyp jatyr.
Jalpy, biyl óndiristi damytý maqsatynda injenerlik, óńdeý jáne qurylys salalary úshin 8375 grant, aýyl, orman, balyq sharýashylyqtary jáne veterinariia salasyna – 700, qyzmet kórsetý kadrlaryn daiarlaýǵa 1575 grant bólý josparlanǵan. Iaǵni, tehnikalyq mamandyqtarǵa basymdyq beriledi. Bilim salasy mamandaryn daiarlaýǵa – 1100, óner jáne gýmanitarlyq ǵylymdarǵa – 275, kásipkerlik basqarý jáne quqyq salasyna –375, tsifrlandyrý, aqparattyq-kommýnikatsiialyq tehnologiialar salasy úshin 1950 grant bólý mejelenip otyr.
