«Eńbek» baǵyty boiynsha jyl basynan beri 67 myńnan astam adam jumyspen qamtylyp, jyldyq jospar 96,8 paiyzǵa oryndaldy. 8 ai qorytyndysymen jeke bastamalar boiynsha 11 773 jumys orny ashylǵan. «Halyqtyń tabysyn arttyrýdyń 2025 jylǵa deiingi» keshendi josparynyń Túrkistan oblysy boiynsha oryndalý barysy Túrkistan oblysynyń ákimi Darhan Satybaldynyń tóraǵalyǵymen ótken apparattyń aptalyq otyrysynda saraptaldy.
Bul baǵyttaǵy jumystardyń barysymen tanysqan oblys basshysy jumyssyzdyq máselesin sheshýdiń joldaryn kórsetti.
– Biz óz resýrstarymyzben jańa jumys oryndaryn ashýǵa mán berýimiz kerek. Bul máseleni arnaiy pysyqtaimyz. Kásipkerlik, investitsiia, aýyl sharýashylyǵy, jumyspen qamtý salasyna jaýapty basqarma basshylaryna 2 apta ýaqyt beremin. Investitsiia tartý, kásiporyndardy kóbeitý, jumys oryndaryn ashý boiynsha usynystaryńyzdy daiyndap kelińizder. Aýdan, qala ákimderi de bul túitkilge mán berýleri tiis.
Sondai-aq oblys ákimi apparatynyń aptalyq otyrysynda aldaǵy jylytý maýsymyna daiyndyq jumystary talqylandy. Oblystyq energetika jáne turǵyn úi-kommýnaldyq sharýashylyq basqarmasynyń málimetinshe, oblystaǵy 7 aýdan, qalada 21 ortalyqtandyrylǵan jylý qazandyǵy jáne 1 jylý elektr ortalyǵy bar. Olardyń bári jylytý maýsymyna daiyn. Al Kentaý qalasynda ornalasqan «JEO-5» jylý ortalyǵynyń jylytý maýsymyna daiyndyq jumystary qolǵa alynǵan. Óńirge qajetti kómir men suiyq otyn tasymaldaý jumystary júrip jatyr.
https://dalanews.kz/aimak/81060-turkistannan-qostanayga-72-tonna-guman
https://dalanews.kz/news/81044-si-czinpin-pandemiiadan-keyingi-alga
