Jýrnalist Qymbat Dosjan belgiialyqtar asyrap alǵan Jánibektiń oqiǵasyna qatysty taǵy bir derek jariialady, dep habarlaidy Dalanews.kz.
"1001 tún" baǵdarlamasynda ol Jánibektiń oqiǵasy negizinde tórt birdei bala óz anasymen qaýyshqanyn atap ótti.
"Jánibek maikóten bala bolyp tur. Rasymen de kelgennen keiin osy balanyń arqasynda qanshama ana bizdiń radio baǵdarlamaǵa keldi. Qanshama ana paraqshamyzǵa jazyldy. Júreginiń túkpirinde kómip tastaǵan, eshkimge aitpaimyn degen syrlarymen bólisti. Bul bala úlken seńge qozǵaý saldy. Bul - ras. Jánibekti bizge perishteler aspannan ákep qondyra salǵan sekildi. Bul arqyly biz jaqsyny da ashamyz. Oǵan - qudai kýá. Sosyn ar jaǵynda jamany da ashylady", - deidi Qymbat Dosjan.
Aitýynsha, Jánibektiń ata-anasy rýhy myqty kisiler bolýy múmkin.
"Menińshe, bul balanyń perishteleri sondai myqty. Ákesi de, sheshesi de bar deiikshi. Áiteýir ata-anadan jaralǵan bala ǵoi. Solardyń myqtylyǵyna tańqalamyn. Menińshe, bunyń ásirese áke jaǵynan óte myqty bir rýh bar. Sosyn ony perishteler qatty qorǵaidy. Ony ózi de "men jolym bolǵysh adammyn" dep jii aitady", - deidi ol.
Sonymen qatar jýrnalist suqbat barysynda Jánibek Savelevti satyp jibergen adamdardy biletinin de málimdedi.
"Bul týraly ótken suhbatymda da aittym. Jánibekti satqan kelinshek belgiialyq azamatshadan myńdaǵan eýro kóleminde qomaqty aqsha alǵan. Kádimgidei qolynan sanap turyp alǵan. Ol áiel adam ekenin, onyń sol kezde jas kelinshek bolǵanyn, onyń otbasy baryn, onyń qazir jasy neshede jáne qai jerde jumys isteitininen de habardarmyn", - deidi Qymbat Dosjan.
Jýrnalistiń aitýynsha, qazir ol kisimen politsiia qyzmetkerleri ainalysyp jatyr.
Eske salaiyq, buǵan deiin áleýmettik jelide shetelde turatyn Jánibek esimdi (qazirgi qujatynda EddJan) jas jigittiń Qazaqstanǵa kelip, anasyn izdep jatqany týraly video keńinen taraǵan edi. Belgili bolǵandai, Jánibek 2002 jyly 17 qańtarda Arqalyqta týǵan. 2004 jyly sol qaladaǵy balalar úiinen qazirgi belgiialyq otbasy, iaǵni jalǵyzbasty anasy asyrap alýǵa alyp ketken.
