Qazir Qazaqstanda 900-ge jýyq áke bala kútimine bailanysty demalysta júr. Alaida olardyń bul úsh jyldyq ýaqyty áielderdegidei eńbek ótiline qosylmaidy, dep habarlaidy Dalanews.kz.
Eńbek jáne halyqty áleýmettik qorǵaý ministrligi bul olqylyqty joiý úshin jańa usynys engizdi. Áleýmettik kodekske daiyndalǵan ózgerister jobasynda ákelerdiń de bala kútimine bailanysty alǵan demalysy eńbek ótili retinde eseptelýi qarastyrylǵan. Qujat "Ashyq-normativtik qujattar" portalynda jariialanyp, 24 qyrkúiekke deiin qoǵam talqysyna usynyldy.
Ministrliktiń dereginshe, 2024 jyly 191 myń qazaqstandyqqa zeinetaqy taǵaiyndalǵan. Onyń ishinde 106 myńy áiel, 84 myńy er adam. Áielderdiń 52 myńyna bala kútimine bailanysty ótkizgen úsh jyly eńbek ótiline qosylǵan. Endi osy tájiribeni ákelerge de qoldaný kózdelip otyr.
