25 mamyrda áleýmettik-gýmanitarlyq saladaǵy úzdik jetistikteri jáne densaýlyq saqtaýdy damytýǵa qosqan zor úlesi úshin berilgen Qazaqstan Respýblikasynyń joǵary dárejeli Eńbek er ataǵynyń iegeri, akademik Tóregeldi Sharmanov qaitys boldy, - dep habarlaidy Dalanews.kz.
Tóregeldi Sharmanuly 19 qazan 1930 jyly Qaraǵandy oblysy, Ulytaý aýdanynda týǵan.
1958-1962 jyldary - Qaraǵandy oblysy Ulytaý aýdanynda ortalyq aýrýhananyń bas dárigeri.
1962-1968 jyldary Qazaqstan Densaýlyq saqtaý ministriniń Ólkelik patologiia ǵylymi-zertteý institýtynda bólim meńgerýshisi.
1968-1971 jyldary Aqtóbe meditsina institýtynyń rektory.
1971-1982 jyldary - Qazaq KSR-i Densaýlyq saqtaý ministri.
1973-1984 jáne 1988 jyldan KSRO Meditsina ǴA-nyń Taǵam institýty Qazaq bólimshesiniń direktory (qazirgi Qazaq taǵamtaný akademiiasynyń prezidenti).
1985-1988 jyldary - Búkilodaqtyq «Taǵamtaný suraqtary» atty jýrnalynyń bas redaktory jáne Máskeý qalasyndaǵy Dárigerlerdiń biliktiligin jetildirý institýtynyń taǵamtaný kafedrasynyń meńgerýshisi qyzmetterin atqarǵan.
1995 jyldyń mamyr aiynan - Qazaqstannyń Profilaktoriialyq meditsina akademiiasynyń negizin qalaýshysy jáne onyń prezidenti.
1997 jyldan bastap "Zdorove i bolezn" jýrnalynyń bas redaktory.
Qazaq KSR Joǵarǵy Keńesiniń depýtaty (8-10 márte sailanǵan).
Tóregeldi Sharmanuly 12 jyl boiy respýblikanyń densaýlyq saqtaý ministrligin basqardy jáne alǵashqy meditsinalyq-sanitarlyq kómektiń teńdesi joq júiesin qurdy.
1974 jyldan bastap ol respýblikanyń jetekshi ǵylymi uiymdarynyń biri - Qazaq tamaqtaný akademiiasynyń turaqty basshysy boldy.
2005 jyly akademik Sharmanov Dúniejúzilik Densaýlyq saqtaý uiymy - Leon Bernard syilyǵynyń eń joǵary qurmetine ie boldy, onyń búkil álem tarihynda tek 29 adam iegeri boldy. Bul densaýlyq saqtaý salasyndaǵy Nobel syilyǵynyń bir túri.
Tóregeldi Sharmanuly Qazaqstannyń meditsinalyq jurtshylyǵy arasynda ǵana emes, ziialy qaýym, shyǵarmashyl jastar, kóptegen saiasatkerler men respýblikanyń basqa da azamattary arasynda úlken bedelge ie boldy.
