Air Astana áýe kompanıasynyń jolaýshylar ushaǵy Bakýdegi "Geıdar Álıev" atyndaǵy halyqaralyq áýejaıǵa qonýǵa májbúr boldy, dep habarlaıdy Dalanews.kz.
Oqys oqıǵa 2025 jyldyń 24 naýryzyna qaraǵan túni boldy. Tbılısı – Almaty baǵyty boıynsha reıs kókke kóterildi.
"Air Astana áýe kompanıasynyń Airbus A321 áýe kemesiniń kapıtany Geıdar Álıev atyndaǵy halyqaralyq áýejaıǵa qonýdy surady. Buǵan áýe bortyndaǵy jolaýshylardyń biriniń densaýlyǵynyń kúrt nasharlaýy sebep bolǵan. Ushaq jergilikti ýaqyt boıynsha 00.25-te áýejaıǵa sátti qondy", - dep jazady oxu.az Ázirbaıjan portaly.
Jolaýshyǵa oqıǵa ornynda kómek kórsetilip, keıinnen ol shuǵyl aýrýhanaǵa jetkizý úshin jedel járdem brıgadasyna tapsyryldy.
Al keshiktirilgen reıs jolaýshylary qonaq úıge ýaqytsha ornalastyrylǵany da naqtylanady.
