Prezident Ákimshiliginiń kelisimi jáne Shyǵys Qazaqstan oblysynyń ákimi Nurymbet Saqtaǵanovtyń ókimimen Aidar Sadyrbaev oblys ákiminiń orynbasary laýazymyna taǵaiyndaldy, dep habarlaidy dalanews.kz.
Bul týraly búgin, 9 qyrkúiekte oblys ákimdiginiń baspasóz qyzmeti jazdy.
«Búgin aimaq basshysy jańa orynbasaryn ujymǵa tanystyryp, jumysyna sáttilik tiledi», - delingen habarlamada.
Aidar Serikqazyuly 1986 jyly 25 qyrkúiekte burynǵy Semei oblysy Jańasemei aýdany Novopokrovka aýylynda dúniege kelgen. Bilimi joǵary.
2009 jyly Qazaq innovatsiialyq gýmanitarlyq-zań ýniversitetin «Tarih» mamandyǵy boiynsha tamamdap, eńbek jolyn 2009 jyly Shyǵys Qazaqstan oblysy Borodýliha aýdanyna qarasty Peremenovka aýylynyń orta mektebinde muǵalimdik qyzmetten bastaǵan.
Ár jyldary Borodýliha aýdany men Semei qalasynyń ishki saiasat bólimderinde nusqaýshy, jetekshi jáne bas maman, basshynyń orynbasary, basshy, Semei qalasy ákiminiń orynbasary, «AMANAT» partiiasynyń oblystyq filial tóraǵasy, Abai, Shyǵys Qazaqstan oblystarynda ishki saiasat basqarmalarynyń basshysy qyzmetterin atqardy.
Aidar Sadyrbaev jańa qyzmetinde óńirdiń áleýmettik blogyna, ishki jáne aqparattyq saiasat máselelerine jetekshilik etetin bolady.
