Áleýmettik jelide Almatyda bapker Daniiar Safin Úlken Almaty ózeni arnasynda aǵys alyp bara jatqan jasóspirimdi qutqaryp qalǵany kórinetin video qaita tarap jatyr. Bul - úsh jyl buryn túsirilgen video, dep habarlaidy Dalanews.kz.
Oqiǵa "Shahristan" turǵyn úi kesheni mańynda jattyǵý kezinde bolǵan edi. Bapker aǵys alyp bara jatqan qyzdy baiqap qalǵan.
Oilanbastan kómekke umtylǵan ol qatty aǵysqa qaramastan sýǵa túsken. Onyń aitýynsha, sol sátte aǵys aiaǵyn ilip áketkenimen, beton tirekke súienip, álsiregen qyzdy sýdan alyp shyqqan. Keiin ony qasynda júrgen shákirtterine tabystaǵan. Olar qyzdy qaýipsiz jerge jetkizýge kómektesken bolatyn. Bapkerdiń sózinshe, qyz biraz ýaqyt boiy ózdiginen shyǵýǵa tyrysyp, sýǵa batyp kete jazdaǵan.
Aita keteiik, bul oqiǵa úsh jyl buryn bolǵan. 2023 jyly 19 maýsymda 28 jastaǵy boks jattyqtyrýshysy Daniiar Safin men onyń shákirtteri Nazerke Erikova jáne Dastan Qurmanǵali "Sýǵa batqandardy qutqarǵany úshin" medalimen marapattaldy.
