Sot "Aǵaıyndy tórteý" dep atalǵan qylmystyq toptyń basshysy Erkin İzbasardyń qamaý merzimin uzartty, - dep habarlaıdy Tengrinews.kz saıty Aqtóbe oblystyq sotynyń baspasóz qyzmetine silteme jasap.

«Erkin İzbasardyń qamaý merzimi 3 naýryzda 1 aıǵa uzartyldy. Osyǵan baılanysty Erkin İzbasar 7 sáýirge deıin qamaýda bolady», – dedi sottyń baspasóz qyzmetindegiler. Sondaı-aq, qazirgi ýaqytta tergeýden 22 adamnyń ótip jatqany aıtylady.

Eske sala keteıik, Erkin İzbasar Aqtóbedegi munaı bazasynyń terıtorıasynda iri arnaıy operasıa júrgen kúni Almatyda ustalǵan bolatyn. Uıymdasqan qylmystyq toptyń lıderimen birge onyń oqqaǵary men júrgizýshisi ustalǵan edi. Al keıinirek munaı urlaýmen aınalysqan qylmystyq toptyń jetekshisi Aqtóbege UQK ushaǵymen jetkizilgen bolatyn.

İzbasarovtiń aımaqtaǵy jat aǵymnyń jeteginde ketken jigitterdi óz paıdasyna jumsap otyrǵany belgili bolǵan edi.