Qaraǵandy oblysynda aǵaıyndy Nyǵmatýlınderdiń "torpedasy" Sábıra Qoıanbaevaǵa bultartpaý sharasy qoldanylmady, - denp habarlaıdy Dalanews.kz Qaztagqa siltep.
"Sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamenti QR QK 366-babynyń 1-bóligi (Para alý) boıynsha Qoıanbaevaǵa qatysty qylmystyq isti tergep jatyr. Qazirgi ýaqytta qylmystyq proseske qatysýshylarǵa qatysty bultartpaý sharasy qabyldanbady", - dep habarlady Qaraǵandy oblysynyń prokýratýrasy.
Eske salaıyq, qaraǵandylyq kásipker Alekseı Lýkánchenko Erlan Nyǵmatýlın áli kúnge deıin reıderlik shabýyl jasap júrgenin aıtqan boatyn. Bul iske Nyǵmatýlınderdiń "torpedasy" Sábıra Qoıanbaevanyń da qatysy bar bolyp shyqty.
"Barlyq jerde aıta bastadym (shabýyldar týraly), jýrnalıserge, qoǵamǵa úndeý jasadym, biraz ýaqyt ótkennen keıin jigitter kelip, menimen bireý sóıleskisi keletinin aıtty. Sosyn maǵan Erlan Zaırýllauly qońyraý shalyp "Sen osyndaı da osyndaısyń ba?" dedi. Men "ıá" dedim. Erlan Nyǵmatýlın meniń jeke nómirime habarlasyp, ózine shaqyrdy. Men endi ǵana damyp kele jatqan kásipker ekenimdi jáne ol shaqyrǵan jerge bara almaıtynymdy aıtyp edim, "jaqsy, saǵan kólik jiberemin, kel" dedi. Maǵan bir jigit keldi, men ony tanıtynmyn, meni keńsesine apardy. Ol jerde jarty kún kútip, aqyry kezdestim. Ol maǵan "Seniń jaǵdaıyńdy bilemin, meniń túk qatysym joq, oǵan esh qatysym joq, osyny joqqa shyǵaryp, vıdeo túsir", - dedi", - deıdi kásipker "QazTag" agenttigine.
Kásipker sol sátte Erlan Nyǵmatýlınniń bul ıdeıasynan bas tartýdan qoryqqanyn aıtady.
"Iaǵnı solaı aıtyldy, men bul ıdeıadan bas tarta almadym. Tipti bizdiń qalada buǵan deıin bir jigitti qamaýǵa alyp, qazir qylmystyq is qozǵalǵan jaǵdaı bolǵan. Men de óz ómirime qoryqtym, mundaı adamdar bárin isteıdi ǵoı, olardyń jan-jaqta tanysy kóp. Sosyn óz adamy kelip, meni vıdeoǵa túsirip aldy. Denıs degen jigit, tegi esimde joq. Balqashtaǵy "Atamekendi" basqarady. Ol Erlan Nyǵmatýlınniń adamy eken", - deıdi kásipker Alekseı Lýkánchenko.
Kásipker qonaqúıin 2015 jyly sala bastaǵan, sodan beri ınspekter Sábıra Qoıanbaeva nysandy tekserip júrgen kórinedi. Problemalar qonaqúı jumys isteı bastaǵannan keıin ǵana bastalǵan. Kásipkerdiń sózinshe, Qoıanbaeva da - Nyǵmatýlınniń adamy.
Sonymen qatar, Nyǵmatýlınnıiń adamdary kásipkerden prokýratýra nemese basqa da ınstansıalarǵa júgingen ne júginbegenin únemi surap turǵan. Sottyń ózi bul isti birjaqty qarastyrǵan kórinedi. Bul istiń anyq-qanyǵyn anyqtaýǵa tyrysqan jalǵyz organ – bas prokýratýra eken. Biraq kásipker bul iske eks sýdıa Meırambek Taımerdenov aralasqandyqtan iste jeńilgen dep oılaıdy. Sebebi kásipker bul iske bas prokýratýranyń ózi aralasa bastaǵandyqtan iste jeńiske jetemin dep oılaǵan.
Alekseı Lýkánchenko 2015 jyly salǵan qonaqúı qurylysyna sol kezdegi kýrs boıynsha 150 mıllıon teńgedeı jumsaǵan. Kásipker bastapqyda qurylysty bastaǵan kezde keıin ony tartyp alý úshin oǵan ádeıi eshkim kedergi jasamaǵan dep kúdiktenip otyr.
"Eger qurylys kezinde qandaı da bir buzýshylyqtar bolsa Sabıra Qoıanbaeva memlekettik organ retinde basynda-aq kedergi jasar edi. Áýeli ol jerge aqsha quıyp, kásipti aıaqqa turǵyzyp, artynan jumys isteýge kedergi jasap otyr. Bul reıderlik shabýyl jasaıtyn komandanyń áreketi dep oılaımyn. (...) Ol Erlan Zaırýllaulynyń komandasy dep oılaımyn, sebebi onyń ruqsatynsyz Balqashta eshkim eshteńe isteı almaıdy", - deıdi kásipker.
Alekseı Lýkánchenko reıderlik shabýyl isi boıynsha qylmystyq is qozǵalýy keregin aıtady. Sonymen qatar, kásipkerdiń sózinshe, Qaraǵandy oblysynda Nyǵmatýlınderdiń yqpaly áli de zor. Ol Nyǵmatýlınder aımaqtaǵy týrısik salany óz qolyna alǵysy keletinin aıtady.
