Bul týraly OSK ókili Shavkat Ótemisovke silteme jasaǵan QazTAG agenttigi habarlady.
– Referendým boiynsha másele áli sheshilgen joq. Biraq onyń ótkiziletini, naqty ýaqyty keiin anyqtalady. Búginde daiyndyq jumystary, sailaýshylar tizimin túzý júrip jatyr. Jumysty bizdiń aýmaqtyq sailaý komissiialary júrgizýge tiis. Biz daiynbyz, – dedi OSK ókili Shavkat Ótemisov Májilis kýlýarynda.
Ótemisov referendýmnyń naqty ýaqytyn "belgisiz" dep aitpady. Ol OSK referendýmdy 2023 jyly ótkizip úlgeretinin málimdedi.
1 qyrkúiekte prezident Qasym-Jomart Toqaev kezekti Joldaýynda qoǵamda qyzý talqylanyp jatqan atom elektr stantsiiasyn salý máselesin "referendým arqyly sheshken durys" dep málimdegen.
Qazaqstan biligi AES boiynsha túpkilikti sheshim qabyldaǵan joq. Al keibir ekologtar "bilik stantsiia salý máselesin baiaǵyda halyqsyz-aq sheship qoiǵan, endi tek kózboiaýshylyq arqyly halyqpen sanasqandai keiip tanytyp jatyr" dep jýyrda Úlken aýylynda ótken jariia talqylaýdy meńzegen.
