Memleket basshysy Qasym-Jomart Toqaev AES qurylysyna bailanysty referendým biyl kúzde ótetinin málimdedi, - dep habarlaidy Dalanews.kz.
Prezident bul sheshimdi halyq qabyldaitynyn aitty.
"Ózderińiz jaqsy bilesizder, ekonomikany damytý úshin turaqty energiia kózi kerek. Sondyqtan men atom elektr stansasyn salý máselesin pysyqtaý týraly naqty tapsyrma berdim. Qazir jan-jaqty talqylaý bolyp jatyr. Ártúrli pikir aitylyp jatyr. Bul úderiske buqaralyq aqparat quraldary da belsene atsalysýy kerek. Shyn máninde, elimizde atom energetikasyn damytýǵa zor múmkindik bar. Ony durys, iaǵni tiimdi paidalanǵan jón. Osy máselege qatysty sońǵy sheshimdi halyq qabyldaidy. Referendým biyl kúzde ótedi. Úkimet naqty datany aiqyndaidy", - dedi Prezident.
Byltyr 1 qyrkúiekte Toqaev Qazaqstan halqyna joldaýynda referendým qorytyndysy boiynsha atom elektr stantsiiasyna qatysty sheshim qabyldaýdy tapsyrdy.
6 qyrkúiekte Ortalyq sailaý komissiiasy atom elektr stantsiiasyna qatysty referendýmdy 2023 jyly ótkizýge daiyn ekenin málimdegen bolatyn.
5 qazanda Energetika ministrligi Qazaqstan "Rosatom" jáne taǵy úsh kompaniiamen atom elektr stantsiiasyna qatysty mańyzdy kelissózder júrgizip jatqanyn habarlady.
