Advokat Makish Esqaraev Adal Adam arnasyna bergen suhbatynda sot júiesindegi zańsyzdyqtar týraly aitty, - dep habarlaidy Dalanews.kz.
Advokattyń sózinshe, ádiletsizdikten ashynǵan adamdar tipti sýitsidke de baryp jatyr.
"Aqmolada (bir adam - esk.) prokýratýranyń aldynda óziniń zańsyz sottalyp jatqanyn kórip turyp, atyp óltiredi (ózin - esk.). Ol - qoǵamǵa, júiege protesti. Olai belden basa bersek, bir kún bolmasa bir kún halyq ashynady ǵoi", - dedi ol.
Sonymen qatar, sarapshy Ǵaly Baqtybaiulynyń isine qatysty pikir bildirdi.
"Aqmola oblysynda sotta úsh jigitti Ǵaly Baqtybaevtyń ólimine qatysy bar dep sottady. Keiinirek jýrnalister kórsetkendei, alqabilerdiń onnan jetisi ol jigitterdi kinásiz dep tanyǵan. "Solai daýys berdik" deidi. Alaida sýdia óziniń kózqarasymen sottap jiberedi. Bul endi ádiletsizdik. Ol istiń tereń tarihy bar. Ol iste kóptegen zańbuzýshylyq bar.
...Ǵaly Baqtybaiulynyń isi boiynsha úsh otbasynyń 40-tan asqan jigitteri 16 jylǵa sottalyp jatyr. Atty degen adamnyń ózi Ǵaly Baqtybaev atylǵan kezde basqa jerde bolǵan. Ýaqyttaryn ózgertip, burmalap, manipýliatsiia jasalǵan.
Nelikten ashynbaidy? Shyndyqty aityp jatsań, ol - zańbuzýshylyq. ...Jai ǵana sen kinálisiń, bularda bilik bar, kúsh bar, sende joq siiaqty nárse", - deidi sarapshy.
Eske salaiyq, buǵan deiin Aqmola oblysynda 2019 jyly belsendi Ǵaly Baqtybaevty Atasýdaǵy óz úiinde óltirip ketken adam sottaldy. Qylmystyq is sotta birneshe ret qaralǵan bolatyn. Sońǵy ret ol kisi óltirýdi uiymdastyrýshylar men oryndaýshylarǵa kezekti úkim shyǵarǵan Aqmola oblysynyń mamandandyrylǵan aýdanaralyq qylmystyq sotyna qaraýǵa jiberilgen. Qylmystyq is alqabilerdiń qatysýymen qaraldy.
"Sot úkimimen tórt aiyptalýshy B., A., M. jáne J. qastandyq boiynsha adamdar tobynyń densaýlyǵyna ortasha aýyrlyqtaǵy ziian keltirgeni úshin; atys qarýyn qoldanýmen jasalǵan buzaqylyq; zańsyz satyp alý, saqtaý, qarý alyp júrý jáne qastandyq boiynsha adamdar tobynyń basqa adamdardyń ómirine qaýipti tásilmen ózimshildik nietpen óltirýi úshin sottaldy (qastandyq boiynsha)", - dedi sottaǵylar.
Aita keteiik, qandy qylmys 2019 jylǵy 28 mamyrda bolǵan. Belsendi Ǵaly Baqtybaev úiinen atylǵan kúii óli tabyldy. Tergeý boljamy boiynsha qylmysqa tapsyrys berýshi - jergilikti kásipker Azamat Býkenaev jáne politsei Ǵalym Ahmedjanov bolǵan. Tergeý málimetinshe, Býkenaev pen Ahmedjanov 1 million teńgege killer jaldap, qarý bergen. Killer 2019 jyly 28 mamyrda tapsyrysty oryndap, qashyp ketken.
