«Ádildik jáne Órkendeý» qory kásiporyndardaǵy eńbek qaýipsizdigine monıtorıń júrgizýde

Jarbol Kentuly 13 aqp. 2024 12:19 444

«Qarmettegi» problemalar, «Qazaqmys» pen «Maıqaıyń altyndaǵy» oqıǵalar otandyq kásiporyndardaǵy eńbek qaýipsizdigin kúsheıtý kerektigin kórsetip otyr, – dep jazady Dalanews.kz.

Bul saladaǵy eńbek adamynyń quqyǵyn qorǵaý úshin qoǵamdyq ári saraptamalyq baqylaýdy arttyrý kerek. Júrgiziletin monıtorıń, táýekelderdiń aldyn-alyp, kásiporyndardaǵy jazataıym oqıǵalardan saqtanýǵa múmkindik beredi.

Bizdiń maqsatymyz – ónerkásiptik kásiporyndardaǵy eńbek qaýipsizdigi salasyndaǵy kúrdeli máselelerdi anyqtaý. 

Ónerkásiptik kásiporyndarynyń eńbekkerleri men qyzmetkerlerin, qoǵamdyq uıymdardyń ókilderin, ónerkásip qaýipsizdigi salasyndaǵy sarapshylar men jumyskerler quqyǵyn qorǵaýshylardy áleýmettik monıtorıńke qatysýǵa shaqyramyz.

Monıtorıń qorytyndysy boıynsha usynystar ázirlenip, kásiporyn basshylaryna, quzyrly mekemeler men bılik organdaryna jiberiledi.

Ózińiz jumys isteıtin kásiporyndaǵy eńbek pen tehnıka qaýipsizdiginiń saqtalýyn, basshylyqtyń bul máselege qanshalyqty nazar aýdaratyndyǵyn, qoǵamdyq uıymdar men qadaǵalaýshy organdardyń óndiristik qaýipsizdik máselesine qatynasyn (kózqarasyn) baǵalańyz.

Saýalnama myna jerde: https://share.kz/ga9J

 


Usynylǵan
Sońǵy jańalyqtar
x