"Adam basynan 500 myń". Atyraýda iri sheneýnik para aldy degen kúdikpen ustaldy
azh.kz basylymy jazǵandai, sheneýnik jumys berýshilerden jumysqa qabyldanǵan árbir sheteldiktiń "basy" úshin 500 myń teńgeden para alǵan dep kúdiktelýde.
Basylymnyń habarlaýynsha, Sybailas jemqorlyqqa qarsy qyzmet qyzmetkerleri 25 naýryzda tańerteń jumys ornynda para aldy degen kúdikpen oblystyq jumyspen qamtýdy úilestirý jáne áleýmettik baǵdarlamalar basqarmasynyń bastyǵy Serik Qamidollany ustady.
Serik Qamidolla bul qyzmetke 2019 jyldyń aqpanynda taǵaiyndalǵan.
2008 jyldan bastap Jylyoi aýdandyq jumyspen qamtý jáne halyqty áleýmettik qorǵaý bóliminde sektor meńgerýshisi boldy. 2010 jyly – oblystyq jumyspen qamtý jáne áleýmettik baǵdarlamalar basqarmasynyń bastyǵy. 2011 jyly – oblystyq jumyspen qamtý jáne áleýmettik baǵdarlamalar basqarmasynyń ardagerlerimen jáne múgedekterimen jumys bóliminiń bastyǵy. 2012 jyly – Jyloi aýdanynyń jumyspen qamtý, áleýmettik baǵdarlamalar bóliminiń bastyǵy bolǵan.
