Sonyń kesirinen Telegram Qazaqstan aýmaǵynda buǵattalyp qalýy múmkin.
Bul jaiynda QR Aqparat jáne kommýnikatsiia ministri Dáýren Abaev habarlady, deidi RIA Novosti.
Qazaqstan biligi Telegram messendjeriniń basshylaryna «DVK degen kanaldy ýdalit et, ol zańsyz» degen mazmunda resmi hat joldapty.
Eger Telegram DVK kanalyna qatysty eshqandai shara qoldanbasa, zańǵa sáikes Qazaqstan aýmaǵynda Telegram-dy tolyqtai buǵattaý sharalary qoldanylady eken.
Muhtar Ábliazovtyń bizdiń biliktiń bas aýrýy bolǵaly qashan. Tipti Bas prokýratýranyń ózi
«Ábliazovtyń maqsaty bilikti taidyryp, prezidenttiń taǵyna ózi otyryp alý» ekenin málimdegen edi.
Ózi shetelde boi tasalap júrse de, qazaqstandyqtardy «DVK qataryna qosyl» dep úgittep keledi. Sondaǵy bar tirligi – qazirgi bilikti qubyjyq etip kórsetip, onsyz da bilikke ókpeli halyqtyń ashýyn odan saiyn ýshyqtyrý, eldegi jemqorlyqty kózge shuqyp kórsetip, teńsizdik pen ádiletsizdikten týyndaityn áleýmettik alaýyzdyqty qozdyrý ǵana, dep túsindiredi Bas prokýratýra.
Daiyndaǵan, Aidyn Oljaev
