Oblys ákimi Berik Ýáli bastaǵan óńir delegatsiiasy Omby qalasyndaǵy Qazaqstan Respýblikasynyń Bas konsýldyǵynda qazaq diasporasy ókilderimen kezdesti. Kezdesýge Omby oblysynyń gýbernatory Vitalii Hotsenko, Shyǵys Qazaqstan men Pavlodar oblystarynyń delegatsiialary, Omby oblysyndaǵy qazaq qoǵamdyq birlestikteriniń jetekshileri men ókilderi qatysty, dep habarlaidy Dalanews.kz
Erkin formatta ótken júzdesýde mádeni-gýmanitarlyq bailanystardy nyǵaitý, qazaq diasporasynyń bastamalaryn qoldaý jáne óńirler arasyndaǵy yntymaqtastyqty odan ári damytý máseleleri talqylandy.
«Ózderińiz bilesizder, Omby jerinde qazaqtyń belgili azamattary, Shoqan Ýálihanov syndy tulǵalar bolǵan. Resei – Qazaqstannyń strategiialyq seriktesi. Eki memlekettiń arasynda ózara qurmet pen syilastyqqa negizdelgen shynaiy dostyq qatynas ornaǵan. Biz muny joǵary baǵalaimyz. Memleket basshysy Qasym-Jomart Kemeluly Toqaev: «Tarihi, saiasi, ekonomikalyq, gýmanitarlyq faktorlar turǵysynan alǵanda Qazaqstan men Reseidiń orny airyqsha» dep eki memleket arasyndaǵy yntymaqtastyqtyń mańyzdy ekenin atap ótken. Jalpy, Omby men Semei arasyndaǵy ǵylymi, rýhani, mádeni bailanystar tym tereńnen tamyr tartady. Aldaǵy ýaqytta óńir aralyq bailanystarymyz jańa deńgeige shyǵady dep senemin», – dedi aimaq basshysy.
Kezdesý barysynda oblys ákimi qurmet belgisi retinde «Omby qazaqtary» gazetiniń bas redaktory Turǵyn Ashenovaǵa Abaidyń kartinasyn jáne Omby oblysynyń basshylyǵyna Abaidyń 5 tildegi kitabyn tartý etti.
Sonymen qatar óńir delegatsiiasy «21-mektep» kampýs ǵimaratyna baryp, bilim berý mekemesiniń jumysymen tanysty. Bilim ordasy 2025 jyly ashylǵan. Mekeme táýlik boiy jumys isteidi. Jyl saiyn munda 1200 adamdy oqytý josparlanǵan. Qazirge deiin eki irikteý intensivi ótkizilip, 600 qatysýshynyń ishinen 221 adam negizgi baǵdarlamaǵa qabyldandy. Qazirgi tańda «21-mektep» Reseidiń 16 qalasynda jumys isteidi. Munda 300-ge jýyq oqytýshylar men tehnikalyq personal eńbek etedi. Kampýs qazirgi halyqaralyq standarttarǵa sai innovatsiialyq IT-bilim beredi. Mektepte stýdentter lektsiialarsyz, praktikalyq tapsyrmalar men jobalar arqyly kompiýterlik ǵylymdar men baǵdarlamalaý daǵdylaryn meńgeredi.
Osy jerde Omby oblysynyń investitsiialyq áleýeti tanystyrylyp, gaz ónerkásibi salasyndaǵy yntymaqtastyq máseleleri talqylandy.
