Jarma aýdanyn aýyzsýmen qamtamasyz etetin "Gorvodhoz" memlekettik baqylaý talaptaryn oryndamaǵany úshin ákimshilik jaýapkershilikke tartyldy, dep habarlaidy Dala News.
Memlekettik baqylaý aiasynda júrgizilgen tekseris barysynda sý eseptegish quraldarynyń ýaqytyly tekserilmegeni anyqtalǵan. Buǵan deiin berilgen zańdy nusqama belgilengen merzimde oryndalmaǵan.
Osyǵan bailanysty ýákiletti organ "Gorvodhozǵa" qatysty Ákimshilik quqyqbuzýshylyq týraly kodekstiń 462-babynyń 3-bóligi boiynsha hattama toltyrǵan. Atalǵan bap memlekettik baqylaý organdarynyń zańdy talaptaryn elemegeni úshin jaýapkershilikti kózdeidi.
Abai oblysy boiynsha tehnikalyq retteý jáne metrologiia komiteti departamentiniń málimetinshe, sý eseptegishterdiń ýaqtyly tekserilýi sý shyǵynyn naqty esepteý, injenerlik jelilerdiń jai-kúiin baqylaý jáne tutynýshylardyń quqyǵyn qorǵaý úshin asa mańyzdy. Tekserilmegen quraldar derekterdiń burmalanýyna jáne turǵyndardyń múddesine nuqsan keltirýi múmkin.
"Gorvodhoz" – tirshilikti qamtamasyz etetin nysan. Onyń jumysyndaǵy kez kelgen olqylyq turǵyndarǵa, áleýmettik mekemelerge, aýyl sharýashylyǵy men bizneske tikelei áser etedi. Sondyqtan bul saladaǵy talaptardyń oryndalýy mindetti.
Isti qaraý nátijesinde sot Gorvodhozdy kináli dep tanyp, 302 750 teńge kóleminde aiyppul saldy.
Komitet tóraǵasynyń orynbasary Baýyrjan Qasymovtyń aitýynsha, kásipkerlik kodeksine sáikes berilgen nusqamalar mindetti túrde oryndalýy tiis, al olardy oryndamaý zańmen jazalanady.
