Abaı oblysy aýmaǵynda tórtinshi kúnge sozylǵan órtti sóndirýge Semeı qalasynan 125 erikti kómek kórsetýde.
Qazaqstannyń isker áıelder qaýymdastyǵy, Jas Qanat, Lıder KZ, OSA Semeı, «KOLEIa» jol talǵamaıtyn kólikter klýby ( 4x4), t.b. Eriktiler kún saıyn órt sóndirýshilerge barynsha qoldaý berýde, azyq-túlik, jeke gıgıena zattaryn ákelýde, sondaı-aq túngi ýaqytta tamaqtaný pýnktterinde kezekshilikte kómekterin kórsetýde.
Ozerkı aýyldyq okrýginde eriktiler dala ashanasyn uıymdastyrdy, onda órt sóndirýge qatysýshylardy 3 ret ystyq tamaqpen qamtamasyz etedi. Sondaı-aq, Ozerkı aýylynyń mektebinde eriktiler demalys oryndaryn daıyndady.
Ozerkı aýyldyq okrýgindegi negizgi gýmanıtarlyq kómek qabyldaıtyn pýnkt - Komsomolskaıa 29 meken-jaıyndaǵy, «Darhan» dúkeni.
Qazaqstannyń isker áıelder qaýymdastyǵynyń óńirlik músheleri 2 100 000 teńge qarajat jınady.
Qazirgi ýaqytta 1 000 000 teńgege birinshi qajettiliktegi zattar men azyq-túlik satyp alyndy.
Qalanyń evakýasıalyq pýnktterinde eriktiler turaqty negizde evakýasıalanǵan aýyldardyń turǵyndaryna túrli kómek kórsetýde. Barlyǵy 5 tonna azyq-túlik, onyń ishinde sý, suıyq maı, ystyq tamaq, jemis-jıdek, sút ónimderi jetkizildi.
