Abai oblysynda mektep qazandyǵy jarylyp, jumysshy zardap shekti, dep habarlaidy Dalanews.kz.
Aqparatqa sáikes, búgin Úrjar aýyly Baýyrjan Momyshuly atyndaǵy orta mekteptiń bólek ornalasqan qazandyǵynda jarylys bolǵan. Aldyn ala derekter boiynsha, apattyń sebebi – jylý júiesindegi ainalymnyń buzylyp, qazandyqtaǵy qysymnyń kóterilýi.
"Jarylys saldarynan 18 sharshy metr alańda qazandyq shatyrynyń jarty bóligi opyryldy. Oqiǵa ornynda TJD jáne jergilikti atqarýshy organdar jumys istep jatyr. 1970 jylǵy jumysshy 2-3-dárejeli kúiik aldy. Zardap shekken adam aýdandyq aýrýhananyń hirýrgiia bólimine jatqyzyldy. Qazir jaǵdaiy turaqty", – delingen oblystyq bilim basqarmasy habarlamasynda.
Vedomstvo málimetinshe, 943 oqýshy men 117 muǵalimniń bilim berý protsesi toqtatylǵan joq. Rezervtik qazandyqtyń arqasynda mektep ǵimaratyna jylý berilip jatyr.
Demalys kúnderi jańa qazandyq ornatý josparlanǵan.
