Semei qalasynyń ákimi Nurbol Nursaǵatov baspana kezeginde turǵan 10 otbasyǵa páterdiń kilitterin tapsyryp, qýanysh ielerin qonys toilarymen quttyqtady.
– Búginde memlekettiń áleýmettik saiasatynyń basty baǵyttarynyń biri – halyqty baspanamen qamtý bolyp tabylady. Biyl qala boiynsha kezekte turǵan 122 adamǵa baspana kilt tapsyryldy. Búgin biz jańa páterlerdi kóp balaly otbasylarǵa tapsyryp, olardyń qýanyshyna ortaqtasyp jatyrmyz. Sizderge baq-bereke, jailylyq, jaqsylyq tileimin! – dep qala basshysy turǵyndardy quttyqtady.
Aita ketýimiz kerek, aldaǵy qyrkúiek aiynda Komsomolskii kentinde taǵy 32 kóp balaly otbasy jańa úilerge qonystanady dep kútilýde.
2023 jyly Abai oblysynda 43 páter kóp balaly otbasylarǵa, 120-sy halyqtyń áleýmettik osal toptary ókilderine berilgen bolatyn. Oblystyq ákimdik aldaǵy ýaqytta taǵy da 117 kóp balaly otbasyn baspanamen qamtamasyz etýdi josparlap otyr.
