Qarjylyq monitoring agenttigi Abai oblysy boiynsha departamenti eki kásipkerge qatysty qylmystyq isti aiaqtady, - dep habarlaidy Dalanews.kz.
Olar 2023 jylǵy qyrkúiek pen 2024 jylǵy qazan aralyǵynda Semei qalasy aýmaǵynda litsenziiasyz qum óndirip, ony satqan.
Nátijesinde kúdiktiler zańsyz túrde 68 myń tonnadan asa qum óndirip, memleketke 272 million teńge kóleminde zalal keltirgen. Keiin qurylys materialdaryn óndirýshi zaýyttarǵa qumdy ótkizý úshin jalǵan sáikestik sertifikattaryn paidalanyp, jeke kásipkerler arqyly júzege asyrǵan.
"Satylymnan túsken qylmystyq tabys 150 million teńgeden asty. Kúdiktiler osy qarajattyń bir bóligin frontaldy tiegish satyp alýǵa jumsap, qosymsha 6,2 million teńge mólsherinde tabys tapqan", - dep jazylǵan habarlamada.
Sot sanktsiiasymen kúdiktilerdiń 181 million teńgeden asa somaǵa baǵalanǵan múlkine tárkileý maqsatynda tyiym salyndy.
Múlikterdiń qatarynda 11 kólik, 2 páter, jer ýchaskesi jáne 17 million teńge kólemindegi debitorlyq qaryz bar.
Is aiyptaý aktisin bekitý úshin prokýrorǵa joldandy.
