5 sáýirde saǵat 20:35-te Úbi ózenindegi muz keptelisinen sý deńgeii kóterilýine bailanysty Borodýliha aýdanyndaǵy Krasnyi Iar aýylyndaǵy ózenge jaqyn bir kósheniń aýlalaryn sý basý qaýpi týyndaǵan, – dep habarlaidy Dalanews.kz.
Oblystyq ákimdik málimetinshe, tótenshe jaǵdailar qyzmeti, jergilikti atqarýshy organdar, jedel qutqarý jasaǵy men politsiia bólimshelerinen barlyǵy 123 adam jáne 39 tehnika, onyń ishinde 3 júzý quraly aýylǵa shoǵyrlandyrylǵan.
"Qaýipsizdik maqsatynda aýyldaǵy ózen jaǵasyna jaqyn kósheniń 26 turǵyny óz erikterimen mektepke ýaqytsha ornalastyryldy. Jergilikti atqarýshy organdardyń ókilderi aýlalaryn sý basýy múmkin turǵyndardyń maldaryn basqa sharýa qojalyqtaryna jetkizdi. Oblys ákimi Berik Ýáli Borodýliha aýdanyna arnaiy keldi. Tótenshe jaǵdailar departamenti bastyǵy Manarbek Shapaǵatovpen birge áýeli Úbi ózenindegi sý deńgeiin tikushaq arqyly áýeden baqylady. Sodan keiin aýylǵa kelip, jedel shtabtyń jiynyn ótkizdi", - dep jazylǵan habarlamada.
Tótenshe jaǵdailar departamenti bastyǵynyń orynbasary Azamat Orymbaev pen aýdan ákimi Aidar Ibraev aimaq basshysyna ahýaldy baiandaǵan. Aýdan ákiminiń aitýynsha, eldi mekendegi ózen jaǵasyna jaqyn 30 shaqty úidiń aýlasyna sý kirgen.
Eldi mekende jedel shtab qurylǵan. Oǵan oblys ákiminiń orynbasary Dimitrii Garikov jetekshilik etedi. Úbi ózenindegi muz keptelisin joiyp, sý arnasyn tolyq ashý úshin muz jarý jumysy júrgizilip jatyr.
Aýyldaǵy basqa aýlalarǵa sýdyń kirýine jol bermes úshin tiisti jumystar atqarylyp jatyr. Aimaq basshysy tiisti oryndarǵa jaǵdaidy qatań baqylaýda ustaýdy tapsyrdy.
"Krasnyi Iar - aýdandaǵy jyl saiyn sý basý qaýpi tónetin aýyldardyń biri. Eldi mekendegi jaǵdaidy kesheden beri jeke baqylaýymda ustap otyrmyn. Aýdan ákimi men tiisti qurylymdarǵa turǵyndarǵa túsinikteme jumystaryn júrgizýdi, jaǵdaidy únemi baqylaýda ustaýdy tapsyramyn. Muz jarý jumysyn keshke deiin aiaqtaý qajet", - dedi aimaq basshysy.
