Reitingke barlyǵy 2462 ýniversitet qatysyp, onyń ishinde 1422 ýniversitet saralandy. Álemdik ýniversitetter reitingisinde Qazaqstannan 16 joǵary oqý orny qatysyp otyr.
QS WUR reitingisi ýniversitetterdiń bedelin zertteýge baǵyttalǵan. Ádisteme 8 baǵalaý kriteriiine negizdelgen, onyń tórt kriterii boiynsha Abai atyndaǵy QazUPÝ oń úrdis kórsetken. Aitap aitsaq;
- Akademiialyq bedel (Academic Reputation) - bir jyl ishinde 90 tarmaqqa kóterilip, 444 nátijemen álemniń 500 jetekshi ýniversitetiniń qataryna endi.
- Jumys berýshiler arasyndaǵy bedel (Employer Reputation) – bul kórsetkish dástúrli túrde joǵary bolyp tabylady jáne 501+ deńgeiinde qaldy.
- Oqytýshylar men stýdentter sanynyń ara qatynasy (Faculty Student) – eń jaqsy kórsetkishterdiń biri - 261.
- POQ-daǵy sheteldik oqytýshylardyń úlesi (International Faculty) – bul kórsetkish 19 tarmaqqa kóterilip, 422 deńgeige sáikes keledi.
Qalǵan 4 kriteriige reiting qurastyrýshylar 601+ degen baǵa berdi, onyń ishinde damý múmkindigi bar zertteý bólimi.
- Bir oqytýshyǵa shaqqandaǵy dáieksózder indeksi (Citations per Faculty) 601+ quraidy.
Bul kórsetkish ýniversitetterdiń ǵylymi áserin baǵalaýǵa baǵyttalǵan. Dáieksózder zertteýlerdiń álemdik akademiialyq qoǵamdastyqta moiyndalǵanyn bildiredi.
Zertteý qanshalyqty kóp dáieksóz alsa, soǵurlym onyń álemge áseri joǵary bolady. Ýniversitette neǵurlym kóp silteme jasalǵan maqalalar bolsa, onyń ǵylymi yqpaly men bedeli soǵurlym joǵary bolady.
Ǵylymi eńbekterdiń dáieksóz indeksi sońǵy 5 jyldaǵy málimetterdi eskere otyryp, Scopus (Elsevier) halyqaralyq bibliometriialyq derekter bazasy negizinde baǵalanady.
Aita ketsek, Abai ýniversiteti 2014 jyldan bastap QS World University Rankings bedeldi reitingine qatysyp, birte-birte turaqty ósýdi kórsetip keledi. Aǵymdaǵy jyldyń nátijesi boiynsha, ýniversitet álemniń úzdik 500 jetekshi ýniversitetteriniń qataryna kirýge, taǵy bir senimdi qadam jasady.
