Mınıstr qashyqtan oqytýda qosymsha retinde qazaq tilinde "Balapan" jáne orys tilinde "El arna" telearnalary boıynsha beınesabaq bolatynyn aıtty.
Mektep oqýshylary tórtinshi toqsandy qashyqtan oqıtyn bolady. Bul týraly aqparat jáne qoǵamdyq damý mınıstri Dáýren Abaev málimdedi, dep habarlaıdy Dalanews.kz Sputnik Qazaqstan-ǵa silteme jasap.
Mınıstr qashyqtan oqytýda qosymsha retinde qazaq tilinde "Balapan" jáne orys tilinde "El arna" telearnalary boıynsha beınesabaq bolatynyn aıtty.
"Altynshy sáýirden bastap qazaqstandyq mektepter qashyqtan oqytýǵa kóshedi. Qazir bilim jáne ǵylym mınıstrligi uıymdastyrý máselesin pysyqtap jatyr. Bul jóninde barlyq jańalyqty jaqyn ýaqytta habarlaımyz. Sondyqtan túsinistik tanytyp, resmı málimdemeni kútýdi suraımyz. Qazir mektepter men muǵalimderdi suraqtyń astyna alyp, aıyptaýdyń reti joq",- dedi Abaev brıfıńte.
Mınıstr bul másele úkimettiń quziretinde ekenin atap ótti. Barlyǵy aldyn ala habarlanady dep sendirdi.
Qosymsha shara retinde "Balapan" jáne "El arna" teleranasynan qosymsha vıdeo sabaqtar kórsetiledi. Olardy bilim jáne ǵylym mınıstrligi daıyndaǵan.
16 naýryzdan bastap koronavırýs indetine baılanysty Qazaqstanda tótenshe jaǵdaı jarıalandy. Al astana men Almaty karantınge jabyldy.
