Jetisý oblysy bilim basqarmasynyń Panfilov aýdany boiynsha bilim bólimi mektepterge qymbat baǵamen satyp alynbaq bolǵan dárethana qaǵazyna qatysty túsinikteme berdi. Dalanews.kz jariialaǵan materialdan keiin daýly lottyń kúshi joiylǵany belgili boldy.
Buǵan deiin redaktsiia memlekettik satyp alý portalynda kórsetilgen baǵa naryqtaǵy qunynan birneshe ese joǵary ekenin jazǵan edi. Atalǵan aqparattan soń bilim bólimi resmi jaýap berip, satyp alý josparyna ózgeris engizilgenin habarlady.
Resmi málimetke sáikes, ótinish aýdanǵa qarasty 39 mekteptiń ájethanalaryn, sonyń ishinde 17 347 oqýshyny 2025–2026 oqý jylynyń sońyna deiin qajetti quraldarmen qamtamasyz etý úshin berilgen.
Mekeme tehnikalyq sipattamadaǵy kórsetkishti bylai túsindirdi:
— Baiqaýda 3 200 oram dárethana qaǵazy kórsetilgen.
– 1 oramda 24 dana, ár danasy 125 teńgeden eseptelgen.
– Osylaisha, bir oramnyń baǵasy 3000 teńge bolyp shyqqan.
– Al jalpy soma 3 200 oramǵa 9,6 mln teńge dep josparlanǵan.
Aita keteiik, memlekettik satyp alý portalynda buǵan deiin “Veiro Professional Premium T308” markaly dárethana qaǵazynyń 3 200 oramyn satyp alýǵa baiqaý jariialanyp, onda bir oramnyń quny 3000 teńge dep kórsetilgen edi. Naryqtaǵy ortasha baǵamen salystyrǵanda bul kórsetkish birneshe ese qymbat bolǵan.
