Qaraǵandy oblysy prokýratýrasynyń qyzmetkerleri zańsyz ıelengen múlikti memleketke qaıtardy, dep habarlaıdy Dalanews.kz.
Bul týraly 2024 jylǵy 12 shildede qadaǵalaý organynyń baspasóz qyzmeti habarlady.
"Prokýratýra zańsyz berilgen 37 jer telimin, sondaı-aq quny 900 mıllıon teńgeni quraıtyn "Saryarqa" hokeı klýbyn memleket menshigine qaıtardy", - dedi Qaraǵandy oblysynyń prokýratýrasy.
Qazir prokýrorlar memlekettik múlikti jekeshelendirýdiń zańdylyǵyn tekserip jatyr.
Memlekettiń ekonomıkalyq múddelerin qalpyna keltirý maqsatynda zańsyz alynǵan jáne jekeshelendirilgen barlyq memlekettik múlikke qatysty prokýrorlyq qadaǵalaý jáne den qoıý sharalary qabyldanatyn bolady.
Eske salaıyq, 2023 jylǵy 12 shildede Prezıdent Qasym-Jomart Toqaev "Zańsyz alynǵan múlikti memleket menshigine qaıtarý týraly" Qazaqstan Respýblıkasynyń Zańyna qol qoıǵan bolatyn. Negizgi mindetter zańsyz alynǵan múlikti anyqtaý jáne memleketke qaıtarý, sondaı-aq ekonomıkalyq resýrstardyń zańsyz shoǵyrlanýyna jáne múlikti zańsyz alyp qoıýǵa yqpal etken sebepter men jaǵdaılardy anyqtaý bolyp tabylady.
