Almatyda 9 mamyrda "Máńgilik polktiń" qazaqstandyq balamasy - "Batyrlarǵa taǵzym máńgi jadymyzda" atty aktsiia ótedi, dep habarlaidy dalanews.kz.
Aýǵan soǵysy ardagerleri men múgedekteriniń qoǵamdyq birlestikteriniń úilestirý keńesi tóraǵasy Murat Ábdishúkirovtiń aitýynsha, sharaǵa qala ákimdigi kelisken. Aktsiia ótetin jerde - Ortalyq mádeniet jáne demalys saiabaǵy aýmaǵynda qatysýshylarǵa "Jeńis lentasy" men Qazaqstannyń memlekettik Týy taratylady.
Kolonna sherýdi Ortalyq saiabaqtan bastap, Gogol kóshesimen júrip ótip, 28 gvardiiashy-panfilovshylar saiabaǵynda ornalasqan Máńgilik alaý janynda aiaqtaidy. Qatysýshylardy jinaý tańǵy saǵat 09:00-10:00 aralyǵyna josparlanǵan.
Dese de qoǵamda bul aktsiiaǵa qatysty qarsy pikirler aitylyp jatyr. Sonyń ishinde áleýmettik jelide qyzý pikirtalas bastaldy. Keibir jeli qoldanýshylary mundai aktsiialarǵa qarsy ekenin ashyq aityp, ony Reseidiń saiasi narrativimen bailanystyrdy. Threads jelisindegi qoldanýshylardyń biri bul sherýdiń soǵys qurbandaryn eske alýdan góri saiasi sipatqa ie ekenin de jazdy. Onyń pikirinshe, qazirgi qoǵam soǵystyń zardabynan sabaq alyp, tehnologiia men qaýipsizdik salasyn damytýǵa nazar aýdarýy kerek. Osylaisha bul aktsiia qoǵam tarapynan synǵa da ushyrap jatyr.
Aita keteiik, 2026 jyly Qazaqstan qalalarynda áskeri parad ótkizý josparlanbaǵan.
