Qyzylordada “Brakoner” is-sharasy barysynda politseiler 76 kiikti zańsyz tasymaldaǵan kúdiktilerdi oqiǵa ornynda ustady, dep habarlaidy Dalanews.kz.
Ishki ister ministrliginiń málimetinshe, 6 aqpan kúni saǵat 22:30 shamasynda Qyzylorda qalasy politsiia basqarmasynyń patrýldik politsiia qyzmetkerleri “Brakoner” is-sharasy aiasynda Jezqazǵan – Qyzylorda tasjolynda Toyota Hilux jáne Toyota land cruiser avtokólikterin toqtatpaqshy bolǵan. Alaida kúdiktiler politsiianyń toqtatý týraly zańdy talabyna baǵynbai, boi tasalaǵysy kelgen. Tártip saqshylary kúdiktilerdi ustady.
Oqiǵa ornyna jetken jedel tergeý toby tekserý barysynda Toyota Hilux avtokóliginen 29 bas, Toyota land cruiser avtokóliginen 47 bas kiiktiń ushasyn, sonymen qatar Toyota Hilux avtokóliginen 9 dana 12 kalibrli oq dárini anyqtap, tárkiledi.
“Atalǵan derek boiynsha ustalǵan 35 jáne 28 jastaǵy qala turǵyndaryna qatysty sotqa deiingi tergep-tekserý áreketteri júrgizilip jatyr. Qazirgi tańda tiisti sot saraptamalary taǵaiyndalyp, olarǵa qatysty bultartpaý sharasy sheshilýde”, - dep habarlaidy vedomstva.
“Brakoner” jedel-profilaktikalyk is-sharasy barysynda tabiǵat qorǵaý zańnamasynyń 2 deregi anyqtaldy. Budan bólek 9 kiik ushasynyń alyný derekteri boiynsha da tergep-tekserý áreketteri júrgizilip jatyr.
