Almaty oblysynda myńnan astam bala zań boiynsha tiesili tegin ystyq tamaqpen qamtamasyz etilmegen, dep habarlaidy dalanews.kz.
Prokýratýra málimetinshe, qoldanystaǵy zańnamaǵa sáikes memlekettik bilim berý uiymdarynda ataýly áleýmettik kómek alatyn otbasylardyń balalary tegin ystyq tamaqpen qamtylýy tiis.
Alaida tekserý barysynda oblystyń 70-ten astam mektebinde bul talaptyń saqtalmaǵany anyqtalǵan. Sonyń saldarynan 1101 bala memlekettik qoldaýdyń atalǵan túrinen qaǵylǵan.
Zańbuzýshylyqtar Eńbekshiqazaq aýdanyndaǵy 45 mektepte, Uiǵyr aýdanyndaǵy 14 mektepte, Qonaev qalasyndaǵy 9 mektepte, Talǵar aýdanyndaǵy 7 mektepte, Jambyl aýdanyndaǵy 5 mektepte jáne Qarasai aýdanyndaǵy 4 mektepte anyqtalǵan.
Prokýratýranyń qadaǵalaý aktileri negizinde balalardyń quqyqtary qalpyna keltirilip, barlyq oqýshy tiisti ystyq tamaqpen qamtamasyz etildi.
Sonymen qatar kináli laýazymdy tulǵalar jaýapkershilikke tartylǵan.
Oblys prokýratýrasynyń málimetinshe, jyl basynan beri júrgizilgen qadaǵalaý jumystary nátijesinde 30 myńǵa jýyq balanyń quqyqtary men zańdy múddeleri qorǵalǵan.
