QR Qarjy ministrligi Memlekettik kirister komiteti (MKK) blogerlerge kiristerin tómendetý boiynsha kameraldyq baqylaý habarlamalary jiberilgenin túsindirdi, dep habarlaidy Dalanews.kz.
Memlekettik kiris organdary salyq mindettemeleriniń tolyq oryndalýyn qamtamasyz etý maqsatynda blogerlerdi qosa alǵanda, jeke tulǵalarǵa salyqtyq ákimshilendirýdi turaqty negizde júrgizip keledi.
"Baqylaý barysynda ýákiletti memlekettik organdarmen, uiymdarmen jáne ózge de tulǵalarmen ózara is-qimyl jasalyp, ártúrli aqparat kózderinen alynǵan derekter usynylǵan salyq deklaratsiialarynyń málimetterimen salystyryldy.
Nátijesinde 594 tulǵanyń salyqtyq eseptiliginde 53,3 mlrd teńge kóleminde sáikessizdik anyqtaldy. Osyǵan bailanysty 13-14 aqpan kúnderi salyq tólemderin tómendetý faktileri boiynsha kameraldyq baqylaý habarlamalary jiberildi”, — delingen habarlamada.
Qujatta kórsetilgen talaptardy oryndaý úshin azamattar qosymsha salyq eseptiligin tapsyryp, óz betinshe eseptelgen salyqtardy tóleýi qajet. Eger habarlamamen kelispese, túsindirme usynýǵa quqyly. Habarlamanyń oryndalý merzimi – 30 jumys kúni.
Memlekettik kirister komiteti tabys tabý kezinde salyq tóleý mindetti ekenin eske salady. Bul talap onlain-jarnama, aqparattyq ónimderdi satý, oqytý kýrstaryn ótkizý, utys oiyndaryn uiymdastyrý siiaqty internet-resýrstar arqyly tabys tabatyn azamattarǵa da qatysty. Salyq mindettemeleri Qazaqstan Respýblikasynyń Konstitýtsiiasy men Salyq kodeksinde belgilengen.
