Álemniń birqatar elderiniń liderleri Astanada ótetin Shanhai yntymaqtastyq uiymynyń sessiiasyna jinalyp jatyr.
5-shi Dúniejúzilik kóshpendiler oiyndary jyldyń mańyzdy saiasi sharasynan tys qalǵan joq. Sammittiń resmi jiyny talqylanatyn Beibitshilik jáne Kelisim saraiynda 5-shi Dúniejúzilik kóshpendiler oiyndaryn daiyndaý jáne ótkizý jónindegi direktsiia shetelden kelgen qonaqtarǵa Oiyndardy tanystyrý maqsatynda «Uly daladaǵy kezdesý» taqyrybynda kórme qoiylymyn daiyndady.
Sondai-aq, ShYU sessiiasy ótetin ǵimarattarda Oiyndardyń resmi promorolikteri ornalastyrylady jáne Direktsiia ókilderi sheteldik qonaqtarǵa Oiyndar týraly aqparatpen bólisip, ulttyq naqyshta bezendirilgen arnaiy tanystyrylym buryshynda Direktsiia ókilderi sheteldik Buqaralyq aqparat quraldaryna arnaiy suhbattar legin uiymdastyrady.
Sonymen qatar, 5-shi Dúniejúzilik kóshpendiler oiyndaryn daiyndaý jáne ótkizý direktsiiasy 5 shildede «Qazaqstan» jeńil atletika kesheninde sheteldik diplomattar men ShYU-da tirkelgen jýrnalister úshin Oiyndarmen keńirek tanystyrý maqsatynda arnaiy shara ótkizedi.
Aita keterligi, 8-13 qyrkúiekte Astana qalasynda etnikalyq sport túrlerinen ótkiziletin halyqaralyq sport jarystary – 5-shi Dúniejúzilik kóshpendiler oiyndary ótedi. Is-sharaǵa 89 elden 2000-nan astam qatysýshy qatysady dep josparlanýda. 5-shi Dúniejúzilik kóshpendiler oiyndarynyń Bas demeýshisi - ALAGEUM ELECTRIC, Oiyndardyń Bas seriktesi - Halyk Bank. Astanadda ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
Dúniejúzilik kóshpendiler oiyndaryn daiyndaý jáne ótkizý Direktsiiasynyń baspasóz qyzmeti
