Qostanai oblysy ákiminiń birinshi orynbasary Gaýez Nurmuhambetovtyń qatysýymen jedel Shtabtyń kezekti otyrysy ótti.
16.00-de izdeý jumystary Jambyl aýyly - Tobyl ózeni, Altyn dala aýyly, Qostanai qalasy, Samir aýyly boiynsha tórt baǵytta júrgizilip jatyr.
"Shtab otyrysynda egistikke azyq-túlik pen sý qaldyryp, olarǵa áýe sharlaryn bailaý týraly sheshim qabyldandy. Bul izdeý júieleri úshin signaldyq nusqa bolady. Ár óriste osy protsesti baqylaityn baqylaýshylar bar. Aýadan baqylaý jalǵasýda", – delingen habarlamada.
Keshki altydan keiin balany izdeýge kómekke kelgen Rýdnyi deltaklýbynyń nusqaýshylary alańdardy josparlaidy.
Qazirdiń ózinde 12-den astam alqap áýeden, 8 alqap jaiaý qaralǵan.
Izdeý aimaǵy tekserilgen jerlerdi eskere otyryp tórt bólikke bólingen:
- Jambyl aýyly – Tobyl ózeni;
- Altyn dala eldi mekeni;
- Qostanai qalasy;
- Samir aýyly.
Aita keteiik, 7 tamyzda tańǵy 5.00-de Qostanai oblysy Jambyl aýylynda 5 jasar Mádina Erlanqyzy joǵalyp ketken edi.
Qyzdyń anasynyń aitýynsha, 5 jastaǵy Mádina 18 jáne 13 jastaǵy úlken ápkeleriniń qaraýynda bolǵan. Tańerteń qyzdar oianǵanda sińlisin tappai qalǵan. Búldirshin terezeden shyǵyp ketken.
Buǵan deiin 5 jasar qyzdyń júrgen jerinen video jariialanǵan bolatyn.
