Mańǵystaý oblysynda 460 bala astan ýlanyp qalǵan. Oqiǵa oblystaǵy Besshoqy aýylyndaǵy №8 mektepte bolǵan. Mektep direktory - Toilybai Aimaǵanbetov. Kóptegen adam ol eks-ministr, qazirgi Májilis depýtaty Ashat Aimaǵambetovtiń týysy dep boljaǵan. Depýtattyń ózi bul boljamdarǵa núkte qoidy, - dep habarlaidy Dalanews.kz.
Bul týraly Ashat Aimaǵambetov telegram arnasynda jazdy. Aimaǵambetovtiń sózinshe, onyń eshqandai týysy basshylyq qyzmette otyrǵan joq.
"Menimen tegi birdei qansha adam bar eken jalpy? Eger onyń bári meniń týysym dep eseptep, kez kelgen másele týyndasa sol týraly jaza berse, taqyryp qyza túsedi. Mysaly búgin Mańǵystaý oblysynda oqýshylardyń jappai ýlanýy týraly reportaj jasaǵan basylymdardyń biri mektep direktoryn meniń "týysym" etip qoiǵan. Biraq men ol adam týraly birinshi ret estip otyrmyn. Jaqynda menimen tegi birdei taǵy bir basshyny meniń týysym etip qoidy, biraq bizdiń eshqandai týystyq bailanysymyz joq.
Túsinikti bolýy úshin aita keteiin: bilim berý salasynda basshylyq qyzmette meniń eshqandai týysym otyrǵan joq. Bul jaitqa bailanysty oqýshylar men olardyń ata-anasyna qoldaý bildirip, balalardyń tezirek jazylyp ketýin tileimin", - deidi Ashat Aimaǵanbetov.
Eske salaiyq,Úkimet Mańǵystaýda astan ýlanǵan oqýshylardyń jaǵdaiyn óz baqylaýyna alǵan bolatyn. 8 qyrkúiekte premer-ministr Oljas Bektenov Munaily aýdanynynyń Besshoqy aýylynda balalardyń ýlanýyna bailanysty Densaýlyq saqtaý, Oqý-aǵartý ministrleri men Mańǵystaý oblysy ákiminiń esepterin tyńdady.
Resmi málimetterge súiensek, búginde 460 bala dárigerlerdiń baqylaýynda. Olardyń 83-i aýrýhanada em qabyldap jatyr. Zardap shekkenderdiń, onyń ishinde jansaqtaý bólimindegi 2 balanyń jaǵdaiy turaqty. Densaýlyǵynyń jaqsarýyna bailanysty jansaqtaý bóliminde jatqan eki bala jalpy bólimshege aýystyryldy.
Aýrý oshaǵyn oqshaýlaý jáne joiý sharalaryn kúsheitý úshin óńirge "Qoǵamdyq densaýlyq saqtaý ulttyq ortalyǵy" ShJQ RMK "Sanitariialyq-epidemiologiialyq saraptama jáne monitoring ǵylymi-praktikalyq ortalyǵy" filialynyń mamandary jiberildi.
