Bul joly jumys berýshilerge salmaq túsedi. Olar karantinge bailanysty tabysynan aiyrylǵan qyzmetkerlerdi tirkep, tizimin jasaidy. Ótinishter qyrkúiek aiyna deiin qabyldanady. Biraq búgin Eńbek ministri Nurymbetov qujattardy barlyǵy birdei tapsyrýdyń qajet emes ekenin atap ótti. Mysaly, stýdentter resmi jumys istemegen bolsa, olar ótemaqy ala almaidy. Eger qujattary durys bolsa, onda ol qyzmeti toqtatylǵan kompaniia basshylyǵyna júginýine bolady.
42 500 teńge shekteýlerge bailanysty óz qarajaty esebinen demalysqa shyqqandarǵa tólenedi. Bul, negizinen, sanitarlyq dárigerlerdiń tyiym salýyna bailanysty qyzmetin toqtatqan uiymdardyń qyzmetkerleri. Sondai-aq tizimde jeke kásipkerler, ózin-ózi jumyspen qamtyǵandar, frilanserler jáne jeke praktikada júrgender de bar.
Ótinishder birden birneshe platformalarda qabyldanady, bul eki sait jáne Telegram bot. Ministr byltyrǵydai sátsizdikter bolmaidy dep ýáde berdi. Jumystan bosatylǵan nemese 5 shildeden bastap óz jumysyn toqtatqandarǵa Nurymbetov Jumyspen qamtý ortalyǵyna habarlasýǵa keńes berdi. Sebebi erteń 42 500 teńgege ótinish tapsyrý maǵynasyz bolyp shyǵýy múmkin.
- Óitkeni ol kezde ótinish berýshiden Jumyspen qamtý ortalyqtaryna habarlasqan-habarlaspaǵany suralady. Al ol arada Sizge bos jumys oryndary jáne jumysqa ornalasýdyń basqa múmkindikteri usynylady. Eger Sizge yńǵaily jumys bolmasa, siz jumyssyz retinde tirkelesiz, al ol kezde siz 6 aiǵa tólenetin Áleýmettik saqtandyrý qorynan jumyssyzdyq úshin áleýmettik járdemaqy alýǵa avtomatty túrde júgine alasyz, - dedi QR Eńbek jáne halyqty áleýmettik qorǵaý ministri Birjan Nurymbetov.
Jumys berýshiler óz qyzmetkerleriniń málimetterin tekserýi kerek. Ótinish berý úshin sizge kompaniianyń BSN, qyzmetkerdiń JSN jáne onyń banktik shotynyń 16-sandyq nómiri qajet. Bir ýaqytta 20 adamǵa deiin suraýǵa bolady. Qalǵandary qujatty ózderi toltyrýy kerek.
Bul joly aýdandyq, qalalyq jáne salyq mekemeleri bárin tekseretinin eskertemiz. Eger tólem shotyńyzǵa kelip túsip, al bul kezde kiris joǵaltpaǵanyńyz nemese buryn jumys jasamaǵanyńyh anyqtalsa, onda áleýmettik saqtandyrý qorynyń qyzmetkerleri jaǵdaiǵa aralasýy múmkin. Eger erteń sáikessizdik anyqtalsa, onda osy qarajatty tólegen jáne soǵan jaýap beretin Memlekettik áleýmettik saqtandyrý qory sotqa shaǵymdana alady jáne tólengen somanyń qaitarylýyn talap ete alady, iaǵni eger berilgen aqparat jalǵan bolyp shyqsa. Ekinshi jaǵynan, jumys berýshi karantinge bailanysty aqysyz demalysqa jibergen jumysshylaryna qatysty ótinish berýge mindetti. Eger olar jumys isteitin jumysshylarǵa júginse, onda bul zań buzýshylyq bolyp sanalady.
- Eger tekserý barysynda qandai da bir zańbuzýshylyq anyqtalsa, onda Memlekettik áleýmettik saqtandyrý qory atalǵan kásiporyndy sotqa bergenge deiin tólengen somany qaitarý úshin shara qoldana alady, - dedi Birjan Nurymbetov.
Jalpy, departament bul joly ótinishter az bolady dep boljaidy. Óitkeni, qazir shekteýler tótenshe jaǵdai kezindegidei qatal emes. Protsesti tezdetý úshin talaptar jeńildetildi. Máselen, ózin-ózi jumyspen qamtyǵan adamdar BÁT-ti qaita tóleýdiń qajeti joq. Al keibireýlerine saitqa kirýdiń nemese Telegram-ǵa jazýdyń qajeti joq. Sheneýnikter keibir adamdarǵa SMS kútýdi suraidy.
Foto: 7news.kz
