Ishki ister ministrligi ókili kólik júrgizýshilerge úndeý jasady, - dep habarlaidy Dalanews.kz.
Vedomstvo málimetinshe, júrgizýshiler jol qozǵalysy kezinde erejeni saqtamaidy.
"Qurmetti azamattar! Sizderdi jol júrisi qaǵidalaryn saqtaýǵa shaqyramyn! Politsiia jol apattaryn boldyrmaý, jol júrisi qaǵidalaryn buzýdyń aldyn alý boiynsha turaqty túrde túsindirý jáne profilaktikalyq jumystaryn júrgizedi. Osy maqsatta kún saiyn tasjoldarda shamamen 1,5 myń patrýldik politsei qyzmet etedi. Ekipajdar 50 shaqyrym saiyn ornalastyrylǵan.
Júrgizýshiler kóbine jyldamdyq rejimin saqtamaidy. Qarsy jolǵa shyǵyp ketip jatady. Mysaly, 5 maýsymda Aqtóbe oblysynda Toyota Alphard avtokóliginiń júrgizýshisi róldi basqara almai, aýdarylyp ketti. Apatqa deiin ony politsiia qyzmetkerleri toqtatyp, jol erejesin saqtaý týraly eskertken bolatyn. Oqiǵa saldarynan adam qaza tapty. Júrgizýshilerdi taǵy da jolda saq bolýǵa shaqyramyn!" – dedi IIM ákimshilik politsiia komiteti tóraǵasynyń orynbasary Álibek Keńispaev.
Aita keteiik, 5 maýsymda saǵat 15:00 shamasynda Aqtóbe-Orsk tasjolynda, Qarǵaly aýdany Ashylysai aýlynyń mańynda jol apaty boldy. Toyota Alphard kóligi aýdarylyp qalǵan.
Oqiǵa saldarynan tórt adam qaza taýyp, bireýi aýrýhanaǵa jatqyzyldy.
