Astana, 30 mamyr 2024 jyl – Qazaqforum uiymdastyrýshylarynyń bastamasymen jáne oraldyq jýrnalist Erkin Qarinniń jetekshiligimen túsirilgen Batys Qazaqstan oblysyndaǵy sý tasqyny týraly 360 formattaǵy arnaiy reportaj usynyldy.
Reportaj 1 mamyrda Astanadan arnaiy jiberilgen túsirilim tobynyń kómegimen túsirildi. Joba maqsaty – 360 formatta reportaj jasaýdy qoldanysqa engizý jáne media ókilderin jańa tehnologiialarmen tanystyrý.
Jańalyq siýjetterin kórýge arnalǵan stendter 3D kózildirikterimen jabdyqtalǵan, bul kórermenderge reportaj atmosferasyna tolyq úńilip, oqiǵaǵa qatysýshy retinde seziný múmkindigin beredi. Bul jańa joba kórermenderge erekshe áser qaldyryp, oqiǵalarǵa degen qyzyǵýshylyqty arttyrady.
Qazaqforum uiymdastyrýshylary bul jobanyń media indýstriiasynda jańa dáýirdi bastaýǵa kómektesetinine senimdi. Erkin Qarinniń aitýynsha, mundai formattaǵy reportajdar aqparatty jetkizýdiń tiimdiligin arttyryp, oqyrmandar men kórermenderdiń qyzyǵýshylyǵyn oiatady.
Forýmǵa qatysýshylar úshin reportajdy tamashalap, óz tańdanysyn bildirip jatty. Bul jańashyldyq qazaq media salasynyń damýyna úlken úles qosady dep úmittenemiz.
Anyqtama: Qazaqforum – qazaq tilinde onlain kontent jasaýshylarǵa arnalǵan jyl saiynǵy forým, munda media salasyndaǵy jańa trendter men tehnologiialar talqylanady.
