Pavlodar oblysynda turatyn áiel balalarǵa aliment tólemegeni úshin ustaldy. Onyń qaryzy 2023 jyldyń jazynan jinalyp, shamamen 3,5 mln teńgeni qurady dep habarlaidy Dalanews.kz óńirdiń PD-ne silteme jasap.
Baspasóz qyzmetiniń habarlaýynsha, Pavlodar oblysy PD aliment tólemeitinderdi anyqtaýǵa erekshe nazar aýdarady. Turaqty túrde jasóspirim balalaryna aliment tólemei qalǵan ata-analardy anyqtaý jáne ustaý maqsatynda reidtik sharalar ótkiziledi.
Mysaly, Jelezinka aýdanynyń politsiiasy 36 jastaǵy áieldi anyqtady. Ol óziniń eki kámeletke tolmaǵan balasyna shamamen 3,5 million teńge aliment qaryz bolǵan. Vedomstvonyń habarlaýynsha, ana 2023 jyldyń shildesinen bastap aliment tóleý mindetin oryndamaǵan.
Jyl basynan beri qabyldanǵan sharalardyń nátijesinde izdeýde bolǵan, aliment tóleýden jaltarǵan 362 adamnyń ishinen politsiia 186 adamdy anyqtady.
