Qazaqstandaǵy eń qymbat dárethana Abai oblysynda ornatylǵan. Alaida qyrýar qarjyǵa salynǵan dárethana qarapaiym ýnitaz da joq, - dep habarlaidy Dalanews.kz.
Bul týraly Ádildik joly Respýblikalyq qoǵamdyq birlestiginiń atqarýshy direktory Didar Smaǵulov aitty. Onyń sózinshe, 31 562 600 teńgege salynǵan dárethanada qarapaiym ýnitaz da joq.
«Eń arzan "Genýia chashasy" ornatylǵan, bylaisha aitqanda buryńǵy zamandaǵydai tesik. Qujatpen qarastyrylǵan jylytý júiesi men intellektýaldy beine baqylaýdy da kórmedim. Aqsha qaida degen suraqqa Antikor jaýap beredi dep senemin», - deidi Smaǵulov.
Dárethana Semeiden Qaraýylǵa baratyn jol boiynda ornalasqan.
«Sheneýnikter dárethanany oblystyq mańyzy bar joldy kútip-ustaý jumystaryna taýar retinde tyǵyp satyp alǵan. Bul zańbuzýshylyq. Dárethana aqyly, alaida áli kúnge deiin tólem júieleri qosylmaǵan. Sý durys aqpaidy, sý júiesiniń qysymy nashar», - deidi Smaǵulov.
Qujat boiynsha, dárethana aqpan aiynda AKT arqyly qabyldanyp, aqshasy tolyq tólenbegen bolyp shyqty.
