“Qazgidromet” sinoptikteri 3 sáýir, juma kúnine arnalǵan aýa raiy boljamyn jariialady, dep habarlaidy Dalanews.kz.
Meteorologtardyń dereginshe, atmosferalyq fronttardyń ótýine bailanysty Qazaqstannyń soltústik-batysy men ońtústik óńirlerinde nóser jaýyn jaýyp, naizaǵai kútiledi. Kei jerlerde burshaq túsip, ekpindi jel soǵýy múmkin.
Al eldiń ózge aimaqtarynda keń aýqymdy antitsiklonnyń áserinen jaýyn-shashynsyz, ashyq aýa raiy saqtalady.
Sondai-aq respýblika boiynsha kei jerlerde tuman túsip, jeldiń kúsheiýi boljanady, soltústik óńirlerde kóktaiǵaq bolýy múmkin.
“Qyzylorda oblysynyń shyǵysynda, Túrkistan oblysynyń batysy men soltústiginde, Jambyl oblysynyń ortalyq bóliginde, Jetisý oblysynyń soltústik jáne ońtústik aýdandarynda, sondai-aq Almaty oblysynda órt qaýpi joǵary deńgeide saqtalady”, – dep málimdedi “Qazgidromet” RMK baspasóz qyzmeti.
