Bul shara memlekettik mekemelerde adamdardyń jappai jinalýynyń aldyn alýǵa jáne azamattardyń koronavirýstyq infektsiiany juqtyrý qaýpin azaitýǵa baǵyttalǵan.
Múgedektikti, jalpy jáne kásiptik eńbek etý qabiletinen aiyrylý dárejesin, sondai-aq ońaltýdyń jeke baǵdarlamasyn avtomatty túrde uzartý qaita kýálandyrý merzimi shekteý sharalary kezeńine (aǵymdaǵy jylǵy 31 shildeni qosa alǵanda) kelgen azamattarǵa qatysty boldy. Bul rette járdemaqy tóleý buryn belgilengen múgedektik toby boiynsha júzege asyrylady.
Múgedektikti alǵash ret belgilegen jaǵdaida eGov.kz portalda «Elektrondyq ótinishter» bólimine qujattardyń skanerlengen kóshirmelerimen qosa ótinim berý qajet.
16 jáne 18 jasqa tolǵan múgedek balalarǵa qatysty syrttai qaita kýálandyrý qarastyrylǵan. Olarǵa múgedektik qolda bar qujattar negizinde jáne aldyńǵy kýálandyrýǵa sáikes múgedektik dárejesin eskere otyryp belgilenedi.
Esińizge salsaq, alǵash ret múgedektik merzimin avtomatty túrde uzartý Qazaqstan aýmaǵynda tótenshe jaǵdailar (budan ári – TJ) rejimin engizý kezinde qabyldandy. Qaita kýálandyrý merzimi TJ kezeńine jáne odan bir ai buryn ýaqytqa (2020 jylǵy 15 aqpannan bastap) qatar kelgen adamdarǵa múgedektik 3 aiǵa uzartylǵan edi.
Aita keteiik, jyl saiyn 250 myńnan astam azamat meditsinalyq-áleýmettik saraptamadan ótedi. 2019 jyly múgedektikti belgileý jáne áleýmettik qorǵaý sharalaryn anyqtaý qyzmetin 251 909 adam aldy.
