Qazirgi prezident Toqaevtyń jeti jyldyq merzimi orta tusyna jaqyndaǵan saiyn, istiblishment pen saiasattanýshylar «Imanǵali Tasmaǵambetovte prezidenttik ambitsiia qaldy ma?» degen suraqqa jaýap izdeýde, — dep habarlaidy Dalanews.kz Dala Inside-qa siltep.
Derekke súiensek, Memleket basshysy Qasym-Jomart Toqaev qoǵamǵa aiqyn belgi berdi. «Eýraziialyq keńistiktegi turaqty damý jáne qaýipsizdik» konferentsiiasynda ol taǵy da prezident ókilettigi bir ǵana 7 jyldyq merzimmen shekteletinin eske saldy. Iaǵni, Qasym-Jomart Kemeluly qaita sailanbaidy jáne ókilettiligin uzartý úshin qiturqylarǵa barmaidy. Bul postkeńestik elderde óte sirek kezdesetin qubylys. Qazaqstan bul jaǵynan shynymen de alǵa shyǵyp otyr.
«Osyny paidalanyp óz kandidatyn daiyndap jatqan toptar bar ekeni jasyryn emes. Úlken qyzǵa qarasty top Sanjar Boqaevty, taǵy bir «kishitúrki» konglameraty Muhtar Jákishevti daiyndaýda. Resei ózine yńǵaily prezident qoiý úshin Imanǵali Tasmaǵambetovpen bul másele boiynsha áli talai aqyldasatyny anyq», — deidi, DALA INSIDE derekkózi.
Arna málimetinshe, Imanǵali Tasmaǵambetov 2017 jyly Reseige elshi bolyp barǵaly beri, sol eldiń oligarhtary men sheneýikterimen ózara til tabysyp, óz biznesin jaqsy jolǵa qoiǵan bolatyn. Qazir onyń negizgi tabys kózi Reseimen tyǵyz bailanysty. Osy sebepti, orys álemin jaqtaityn saiasatker retinde Reseidiń yńǵaiyna keletin tátti málimdemeler jasap, Kremlge ádemi jaǵyna bildi. Al ODKB qulaǵyn ustaǵaly beri Tasmaǵambetov týra Pýtin men Lýkashenko siiaqty «Ujymdyq Batys qaýip tóndirip tur. AQSh, Eýropamen kúresý kerekpiz» degen sarynda qaita-qaita sóz sóilep, onyń aqyry Toqaevtan sypaiy eskertý alýymen aiaqtaldy. Qasym-Jomart Toqaev Minskte ótken ODKB sammitinde «UQShU-ǵa múshe memleketterdiń qaýipsizdigine qater tónip kele jatqanyn, eger ondai qaýip bolsa da, ony únemi aita berýdiń qajeti joq dep oilaimyn. Túptep kelgende, qaýip-qater árdaiym bolǵan. Halyqaralyq qoǵamdastyqtyń bolmysy osyndai. Bul taqyrypty qaita-qaita kóterý, bizdi áldekimnen qorqatyndai kórinis qalyptastyrady. Mundai málimdemeler múlde qate túsinikke alyp kelýi múmkin, tipti qazirdiń ózinde solai bolyp kórinedi. Qatysýshy memleketterdiń abyroi-bedelin jáne olardyń áskeri-saiasi áleýeti men qýatyn eskere otyryp, Uiymnyń ritorikasy qatal, áitse de belgili bir deńgeide qisyndy bolýǵa tiis, – dep, bul sózdi naqty Tasmaǵambetovke arnap jetkizgen.
«Qazaqstandaǵy eń iri elektorat – qazaqsha sóileitin, qazaqsha oilaityn qazaqtar. Olardyń barlyǵy 2010 jyldary Tasmaǵambetovke 100 paiyz daýys berýge daiyn boldy. Endi onyń Qazaqstan múddesinen alystap, Reseige tym berilip ketkenin kórgendikten, qazir eshkim qoldai qoimaidy», — deidi, derekkóz.
Arna Kreml óziniń ákimshilik resýrsymen Tasty prezident qylyp qoia ala ma? Kóp nárse Kremldiń Tas úshin qanshalyqty jankeshtilikke baratynyna bailanysty dep boljady. Sebebi ol Taspen shektelip qalmai, basqa da kanidattarmen sóz bailasatyny zańdy. Jáne qai úmitkerdiń shansy joǵary, sony tańdap ketýi de ǵajap emes.
«Máskeýdiń negizgi armany, Qazaqstanǵa reseishil basshy ákelip, Resei-Belarýs-Qazaqstan odaqtas memleketin qurý. Biraq reseishil kandidatty qazaq halqy qoldamai qoisa, ol jospardy iske asyrý múmkin bolmaidy. Imanǵali Nurǵaliuly biyl qysta 68 jasqa tolady. Anaý aitqandai jas ta emes. 2025 jyldyń aiaǵynda onyń ODKB bas hatshysy retindegi ókilettiligi aiaqtalady», — deidi derekkóz.
