2024 jyly Qazaqstanda 1 488 308 pasport berilip, sońǵy 30 jyldaǵy rekord jańartyldy, dep habarlaidy Dalanews.kz.
IIM ókilderiniń málimetinshe, munyń basty sebepteriniń biri – balalarǵa arnalǵan pasporttardy rásimdeý qunynyń eki esege tómendeýi.
“Qazaqstan azamattarynyń ishinde eń jas pasport iesi – nebári 10 kúndik sábi, al eń úlkeni – 109 jastaǵy qariia. Readmissiia tártibimen politsiia shetelde qujatsyz qalǵan 70 qazaqstandyqty elge qaitardy. Sonymen qatar 41 sheteldik IT mamanyna jeńildetilgen tártippen Qazaqstanda turýǵa ruqsat berildi”, – dep habarlady vedomstvo ókilderi.
Eske salaiyq, buǵan deiin Elimizde 12 myńnan asa qazaqstandyq ultyn aýystyrǵany týraly habarlaǵan edik.
“Ishki ister ministrliginiń málimetinshe, elimizde 743 orys ultyn nemis dep ózgertken. 354 ózbek - qazaq bolyp ózgergen, 300 orys ýkraindyq dep, al 246 ýkraindyq orys dep ózgertse, 11 orys - qazaq bolyp ózgergen”, — dep jazdy Paryz.kz agenttigi.
Al jyldar boiynsha:
2021 jyly 3254 qazaqstandyq;
2022 jyly 3363 qazaqstandyq;
2023 jyly 3366 qazaqstandyq,
2024 jyly 2158 qazaqstandyq ultyn ózgertken.
Qazaqstan Respýblikasy Konstitýtsiiasynyń19-babynyń 1-tarmaǵyna sáikes árkimnińóziniń ulttyq, partiialyq jáne dini tiesiliginaiqyndaýǵa jáne kórsetýge nemesekórsetpeýge quqyǵy bar. Bul norma adamnyńóziniń ulttyq ereksheligin anyqtaý quqyǵynbekitedi.
Qazaqstan azamatynyń ulty ata-anasynyń biriniń ulty boiynsha anyqtalady. Ata-analardyń ulttary ártúrli bolǵan jaǵdaida arnaiy tártip qoldanylady. Ol balanyń qalaýy boiynsha ákesiniń nemese anasynyń ulttyq tiesililigine sáikes jeke kýálik jáne (nemese) pasport berý kezinde aiqyndalady. Osydan keiin ultty bir ret ekinshi ata-ananyń ultyna ózgertýge bolady.
Ekinshi ata-anasy boiynsha ultyn ózgertkisikeletin azamat turǵylyqty jeri boiynsha kóshi-qon qyzmetine júginip, ótinish, týý týralykýálik jáne jeke kýálik beredi. Eki jumys kúniishinde kóshi-qon qyzmetiniń qyzmetkerleriusynylǵan qujattardyń negizinde ultynózgertý týraly qorytyndy shyǵarady. Osyqorytyndy negizinde azamatqa jańa jeke kýálik beriledi.
