2024 جىلى قازاقستاندا 1 488 308 پاسپورت بەرىلىپ، سوڭعى 30 جىلداعى رەكورد جاڭارتىلدى، دەپ حابارلايدى Dalanews.kz.
ءىىم وكىلدەرىنىڭ مالىمەتىنشە، مۇنىڭ باستى سەبەپتەرىنىڭ ءبىرى – بالالارعا ارنالعان پاسپورتتاردى راسىمدەۋ قۇنىنىڭ ەكى ەسەگە تومەندەۋى.
“قازاقستان ازاماتتارىنىڭ ىشىندە ەڭ جاس پاسپورت يەسى – نەبارى 10 كۇندىك ءسابي، ال ەڭ ۇلكەنى – 109 جاستاعى قاريا. رەادميسسيا تارتىبىمەن پوليسيا شەتەلدە قۇجاتسىز قالعان 70 قازاقستاندىقتى ەلگە قايتاردى. سونىمەن قاتار 41 شەتەلدىك IT مامانىنا جەڭىلدەتىلگەن تارتىپپەن قازاقستاندا تۇرۋعا رۇقسات بەرىلدى”، – دەپ حابارلادى ۆەدومستۆو وكىلدەرى.
ەسكە سالايىق، بۇعان دەيىن ەلىمىزدە 12 مىڭنان اسا قازاقستاندىق ۇلتىن اۋىستىرعانى تۋرالى حابارلاعان ەدىك.
“ىشكى ىستەر مينيسترلىگىنىڭ مالىمەتىنشە، ەلىمىزدە 743 ورىس ۇلتىن نەمىس دەپ وزگەرتكەن. 354 وزبەك - قازاق بولىپ وزگەرگەن، 300 ورىس ۋكرايندىق دەپ، ال 246 ۋكرايندىق ورىس دەپ وزگەرتسە، 11 ورىس - قازاق بولىپ وزگەرگەن”، — دەپ جازدى Paryz.kz اگەنتتىگى.
ال جىلدار بويىنشا:
2021 جىلى 3254 قازاقستاندىق؛
2022 جىلى 3363 قازاقستاندىق؛
2023 جىلى 3366 قازاقستاندىق،
2024 جىلى 2158 قازاقستاندىق ۇلتىن وزگەرتكەن.
قازاقستان رەسپۋبليكاسى كونستيتۋسياسىنىڭ19-بابىنىڭ 1-تارماعىنا سايكەس اركىمنىڭوزىنىڭ ۇلتتىق، پارتيالىق جانە ءدىني تيەسىلىگىنايقىنداۋعا جانە كورسەتۋگە نەمەسەكورسەتپەۋگە قۇقىعى بار. بۇل نورما ءادامنىڭوزىنىڭ ۇلتتىق ەرەكشەلىگىن انىقتاۋ قۇقىعىنبەكىتەدى.
قازاقستان ازاماتىنىڭ ۇلتى اتا-اناسىنىڭ ءبىرىنىڭ ۇلتى بويىنشا انىقتالادى. اتا-انالاردىڭ ۇلتتارى ءارتۇرلى بولعان جاعدايدا ارنايى ءتارتىپ قولدانىلادى. ول بالانىڭ قالاۋى بويىنشا اكەسىنىڭ نەمەسە اناسىنىڭ ۇلتتىق تيەسىلىلىگىنە سايكەس جەكە كۋالىك جانە (نەمەسە) پاسپورت بەرۋ كەزىندە ايقىندالادى. وسىدان كەيىن ۇلتتى ءبىر رەت ەكىنشى اتا-انانىڭ ۇلتىنا وزگەرتۋگە بولادى.
ەكىنشى اتا-اناسى بويىنشا ۇلتىن وزگەرتكىسىكەلەتىن ازامات تۇرعىلىقتى جەرى بويىنشا كوشى-قون قىزمەتىنە جۇگىنىپ، ءوتىنىش، تۋۋ تۋرالىكۋالىك جانە جەكە كۋالىك بەرەدى. ەكى جۇمىس كۇنىىشىندە كوشى-قون قىزمەتىنىڭ قىزمەتكەرلەرىۇسىنىلعان قۇجاتتاردىڭ نەگىزىندە ۇلتىنوزگەرتۋ تۋرالى قورىتىندى شىعارادى. وسىقورىتىندى نەگىزىندە ازاماتقا جاڭا جەكە كۋالىك بەرىلەدى.
