Biyl Qazaqstan volonterlikti damytýda aitarlyqtai jetistikterge qol jetkizdi. Halyqaralyq standarttarǵa beiildiligin rastap, qoǵamdyq mańyzdy mindetterdi sheshýde volonterlerdiń rólin nyǵaitty, – dep habarlaidy Dalanews.kz.
Búgingi tańda elimizde 755 volonterlik uiym, 2 myń bastamashyl top, 275 myń belsendi volonter, onyń ishinde 3,5 myń «Kúmis» volonter belsendi jumys isteidi.
Azamattardyń volonterlik qozǵalysqa belsendi qatysýy jáne memleket tarapynan bul úshin jaǵdai jasaýy eldegi volonterliktiń damýyna yqpal etti. Úkimet Qazaqstan Respýblikasynyń 2024-2026 jyldarǵa arnalǵan volonterlikti damytý men qoldaýdyń jańa Jol kartasyn bekitti.
Ony iske asyrýda áleýmettik jáne meditsinalyq volonterlik, ekologiialyq jáne ZOO volonterlik, bilim berý jáne media salasyndaǵy volonterlik, tótenshe jaǵdailar saldaryn joiý salasyndaǵy volonterlik jáne basqa da salalarda salalyq volonterlikti damytýǵa basa nazar aýdaryldy.
Elimizde Ulttyq front-keńse jáne óńirlik 20 volonterlik front-keńsesi óz qyzmetin belsendi júzege asyryp keledi, olar uiymdastyrýshylyq, aqparattyq jáne resýrstyq qoldaý kórsetedi, sondai-aq eriktiler toptaryna, uiymdarǵa jáne eriktilerge konsýltatsiialyq kómek beredi.
2024 jyly 5,6 myńnan astam is-shara uiymdastyryldy. Bir jyl ishinde volonterlik boiynsha biryńǵai Call-ortalyq qurylyp, oǵan 2095-ten astam ótinish kelip tústi. Biryńǵai onlain «Qazvolonteer.kz» platformasy jumys isteidi, onda 67 myńnan astam erikti tirkelgen.
2024 jyly memlekettik organdar volonterlik qoǵamdastyqpen birlesip 55 jobany iske asyrdy, sondai-aq volonterlik bastamalardy qoldaý maqsatynda 240 shaǵyn grant berildi. Jobalar aiasynda 42 myńǵa jýyq túrli formattaǵy is-shara ótkizildi. 10 myń volonter salalyq volonterlik boiynsha oqýdan ótti.
Halyqaralyq volonterlik belsendi damyp keledi. Ulttyq volonterler front-keńsesiniń janynda 2023 jyldan bastap Halyqaralyq volonterlik ortalyq jumys isteidi. Qyrkúiek aiynda 7 Qazaqstandyq volonter BUU qurylymdaryna Túrkiia, Keniia jáne Tailand siiaqty elderge jumysqa jiberildi.
Osy jyly 3-4 qazanda Astanada AÓSShK Jastar keńesiniń qoldaýymen volonterler sleti ótti. Slet Aziianyń volonterleri men volonterlik uiymdary úshin eń iri halyqaralyq is-sharalardyń birine ainaldy. Oǵan AÓSShK-ǵa múshe 14 memleketten (Qazaqstan, Qyrǵyzstan, Resei, Shri-Lanka, Qytai, Bahrein, Ózbekstan, Ázerbaijan, Iran, Tailand, Tájikstan, Kýveit, Úndistan, Katar) 450 adam qatysty.
QR Prezidenti Q.Toqaevtyń tapsyrmasy boiynsha 2020 jyly Qazaqstannyń damýyna úles qosqan úzdik qazaqstandyq jáne sheteldik eriktilerdi yntalandyrý úshin «Jyl volonteri» halyqaralyq syilyǵy taǵaiyndaldy. 2020-2024 jyldar aralyǵynda Qazaqstan, Resei, Ózbekstan jáne Qyrǵyzstannan 234 volonter syilyq aldy.
«Igi ister marafony» jobasy iske asyryldy, onyń sheńberinde qazaqstandyqtar 50 myńǵa jýyq adamnyń qatysýymen 7 000 «Igi is» jasady. Joba aiasynda eriktiler 7 000 janýarǵa kómek kórsetti, 3 200 kóshet otyrǵyzyp, 240 tonna qoqys jinaldy. 5 jeltoqsanda 10 nominatsiia boiynsha jobanyń 20 jeńimpazy marapattaldy.
2025 jyly osy baǵyttaǵy jumysty jalǵastyrý sheńberinde volonterlik salasy boiynsha qoldanystaǵy zańnamany jetildirý úshin jańa tásilderdi ázirleý josparlanýda.
Sondai-aq, halyqaralyq volonterler jylyn ótkizýge daiyndyq aiasynda Qazaqstanda Ulttyq uiymdastyrý komiteti qurylyp, is-sharanynyń josparyn ázirleidi.
