Jetisaı aýdanynda qazir 70 mektep balalarǵa bilim berýde. Onyń 60-y eki aýysymda, 4-i bir aýysymda jumys isteıdi. Bıyl taǵy 6 mekteptiń qurylysy bastaldy. Taǵy 5 mektep salý úshin tıisti qujattaryn daıyndalýda. Úsh aýysymdy, apatty mektep atymen joq.

2020 jylǵa deıin aýdanda mektep problemasy tolyǵymen sheshiletinin aýdan ákimi Jamantaı Beısenbaev alǵa tartty.

Aýdandaǵy 70 mekteptiń 25-ine qarjy bólip, qazandyqtary aýystyrylyp, «kógildir otynǵa» qosyldy. Endigi jerde jańa mektepterdiń barlyǵynyń jobasyn jasaǵan kezde gazben de, qatty otynmen de jumys isteıtin qazandyqtar bolýy kerektigin jaıynda naqty talap qoıylýda. Óıtkeni jylý qazandyǵyn tek kómir jaǵatyn etip jasap alyp, artynsha qaıtadan gazǵa qosýǵa týra kelse, taǵy 10-15 mln. teńge qarjy shyǵyndaýǵa týra keledi. Mektep úshin de, halyq úshin de osy tıimdi. Onyń ústine eldi mekenniń ortasynda kók tútin qylyp kómir jaqpaýdy kózdep otyrmyz, – deıdi aýdan ákimi.

Áleýmettik sala boıynsha basym baǵyttardyń biri gazdandyrý isi de Jetisaı aýdanynda sátimen iske asýda. Qazir aýdanda gazdandyrý boıynsha kórsetkish 40 paıyzdy quraǵan. 3 eldi mekenge gaz kirgeli tur. 6 eldi mekenge gaz kirgizý úshin jobany daıyndalyp, oǵan bıyl 30 mln. teńge bólinedi dep kútilýde. Odan basqa 8 eldi mekendi gazdandyrý boıynsha qujattary usynylǵanyn aıta ketýimiz kerek. Jasyratyny joq, basqa aýdandarǵa qaraǵanda eldi mekenderdi gazdandyrý boıynsha paıyzdyq kórsetkishimiz tómen.

 

Dalanews.kz