2019 jyly Túrkistandaǵy Kúltóbe qalashyǵy ashyq aspan astyndaǵy mýzeige ainalady
Meshit ǵimaraty boiynsha mihrabpen tolyq qalpyna keltirý jumystaryn oryndaý josparlansa, bastyrmaǵa japsarlas salynǵan dýaldardy demontajdaý, qudyqty qalpyna keltirý jáne aýmaqty abattandyrý jumystary jasalmaq.
«Qylýet» jerasty meshitin - qalpyna keltirý jumystary aiasynda jer asty qurylysynyń kótergish qurylymdary men irgetasyn nyǵaitý, ishki úi-jaidy qalpyna keltirý jáne irgeles aýmaqty abattandyrý josparlanýda.
"Jeti Ata" qaqpasynan kesenege deiingi aýmaqtyń panoramalyq túrin qalpyna keltirý maqsatynda Ortalyq magistraldy kóshelerdiń biri qaita jańǵyrtylsa, «Darbaza», «Músállá» jáne «Jeti ata» qaqpalary da tarihi qalypqa enbek.
Ortaǵasyrlyq qysqy Han ordasynyń tarihi orny men sol kezeńniń turmys-tirshiligin beineleitin kórinisi, boiaýy tól túrine ene otyryp, tarihi jáne mádeni áleýetin, Túrkistan qalashyǵynyń Qazaq handyǵynyń iri saiasi ortalyǵy retindegi mańyzdylyǵyn dáleldeidi. Sondai-aq, arheologiialyq jumystardyń nátijesinde ortaǵasyrlyq kósheniń kire beris izderi men Han Ordasy qorshaýynyń irgetasy tabyldy. Negizgi fragmentter qalpyna keltirilip, basqa qurylystardy izdestirý jumystary jalǵastyrylatyn bolady.
Al, Kúltóbe qalashyǵy Ashyq aspan astyndaǵy mýzeige ainaldyrylady.
Qoryq-mýzeigen qarasty ózge de nysandardyń qurylys jumystary jańa jyldan bastaý almaq.
