AQSH Qorǵanysy mınıstrligi Ýkraınada soǵys bastalǵanda artılerıalyq M777 gaýbısıasynyń 90 danasyn jetkizýge ýáde etken edi. Kúni búginge deıin amerıkandyqtar 70 gaýbısıasyn jetkizip úlgergen. Osylaısha AQSH óz ýádesin 80 paıyzǵa oryndady, – dep habarlaıdy Dalanews.kz.  

Pentagon ókiliniń tartqan málimetinshe, M777 gaýbısıasyn paıdalaný úshin Ýkraınanyń 200-den astam sarbazy arnaıy daıyndyqtan ótip úlgergen.

– Osyǵan deıin M777 artılerıalyq gaýbısıasyn paıdalaný boıynsha 170 ýkraın sarbazy daıyndyqtan ótti. Búgin taǵy 50 sarbaz atalǵan qarýamen jumys isteýi qarýdy meńgerip shyqty. Osylaısha Ýkraınada M777 gaýbısıasymen jumys isteı alatyn sarbazdardyń sany 200-den asty, – dedi.

M777 howitzer gaýbısıasy aǵylshyndar jasaǵan kalıbr 155 mıllımetrlik tirkemeli qarý bolyp sanalady.

Gaýbısıany basqarý júıesi tolyqtaı sıfrlandyrylǵan. Dál osyndaı qarý ózdigimen júretin qondyrǵyǵa da ornatylǵanyn aıta ketýimiz kerek. Gaýbısıanyń qarapaıym snarádtary 24,7 shaqyryp jerdegi nysandardy dáldep atýǵa múmkindik berse, al jetildirilgen M982 Excalibur snarádmen 40 shaqyrym jerdegi nysandy joıýǵa bolady.