Bul týraly Shyǵys Qazaqstan oblysynyń ákimi Danial Ahmetov málim etti.
"Halyqtyń densaýlyǵyn saqtaý jáne koronavirýs infektsiiasynyń taralýyn tejeý maqsatynda, Memlekettik komissiiamen kelise otyryp, Sizderdiń usynys, ótinishterińiz boiynsha, Óskemen men Semei qalalarynda, 2020 jylǵy, 2 sáýirde, saǵat 00.00-den bastap, qosymsha shekteýler engiziledi.
Shyǵý jáne kirý shekteledi, 15 baqylaý-ótkizý pýnkti qoiylady. Sonymen qatar, birinshi qajettiliktegi taýarlardy jetkizý úshin "jasyl dáliz" ashyldy", – dedi óńir basshysy.
Sonyman qatar kólik qozǵalysy kúndiz shektelip, túnde toqtaidy. Tek qyzmettik kólikterge ruqsat beriledi. Bir apta ishinde qoǵamdyq kólik qatynasy qysqartylady. Kásiporyndar óz qyzmetkerlerin jeke keste boiynsha jetkizetin bolady.
Ákimniń aitýynsha 6 sáýirden bastap, jeke kólik qozǵalysy shekteledi. Kúntizbeniń jup kúnderi, kólik nómiri nóldi qosqanda, tek jup sanyna aiaqtalǵandar, al taq kúnderi, kólik nómiri taq sanǵa aiaqtalǵandar ǵana júredi.
Sondai-aq, 6 sáýirden bastap, Óskemen, Semei aýmaǵynda turǵyndardyń júris-qozǵalysy tek ruqsat qaǵazy arqyly júzege asady.
"Birinshi túri – qalalardyń tynys-tirshiligin qamtamasyz etetin uiym qyzmetkerleri, jumys isteitin azamattarǵa arnalǵan.
Ekinshi túri - árbir otbasyna beriledi. Ol arqyly aptasyna 3 ret saýda nysandaryna, dárihanalarǵa, bankter men meditsina mekemelerine barýǵa bolady.
Ruqsat qaǵazynyń jasyl túsi - jup kúni, Aq túsi - aidyń tek, taq kúnderi shyǵýǵa múmkindik etedi.
2 sáýirden bastap, azyq-túlik bólimderinen basqa, iri saýda nysandarynyń qyzmeti toqtaidy. Meiramhanalar, dámhanalar, ashanalar onlain túrde tapsyrys alý, jetkizý rejimine ótedi.
Qyzmet kórsetetin – sulýlyq salondary, massaj ortalyqtary, saýnalar tolyq jabylady. Aita keteiin, bul qyzmet túrlerin úide kórsetýge qatań tyiym salynady.
Óskemen jáne Semeidegi, jasy 70-ten asqan jerlesterime, birinshi, ekinshi toptaǵy múmkindigi shekteýli jandarǵa, úiden shyqpaýlaryn suraimyn.
2 sáýirden bastap, azyq-túlik, dári-dármekti úilerińizge jetkizetin bolamyz. Ol úshin áleýmettik mańyzy bar, azyq-túlik ónimderiniń 19 túri, gigiena quraldarynyń 10 túri kiretin 4 jinaq jasaldy. Jetkizý aptasyna bir ret tegin bolady", – dedi ákim.
Budan bólek oblys basshysy elimizdegi tótenshe jaǵdaidy eskere otyryp, jaqyn arada Jeńis kúnine arnalǵan birjolǵy tólemder berile bastaitynyn aitty.
Naqtylasaq soǵys ardagerlerine 600 myń teńgeden, marapattalǵan tyl eńbekkerlerine 100 myńnan, al marapaty joq tyl eńbekkerlerine 42500 teńge beriledi.
"Qoǵamdyq tártipti saqtaý sharalary kúsheitildi. Óskemen 200, Semei 202 sharshy aýmaqqa bólindi. Kúsh qurylymdary úsh aýysym boiynsha iske kiristi. Kommýnaldyq jáne bailanys qyzmetteri úzdiksiz jumys atqaratyn bolady.
Koronavirýs pandemiiasyna, biz, tek birlik, jaýapkershilik, ózara birge áreket etýdiń arqasynda ǵana, qarsy turamyz", – dedi Danial Ahmetov.
https://www.facebook.com/AkhmetovDanialkz/videos/234822771034588/
